7 sababood oo kaa hortaagan taajirnimada

Horta calafka waa xagiisa balse ma isweydiisay sababta dadka qaar ay waxaas oo lacag u rich-300x162haystaan adiguna aad ku sari la’dahay? Aduunka waxkasta waxay u baahanyihiin dadaal dheeri ah iyo waqti, halkaan waxaan ku hayaa 7 arimood oo naga hortaagan taajirnimada.

1. Shaqaale ayaa tahay: Inkastoo aysan hubaal ahayn in aad ganacsiga ka taajirayso balse waxaa hubaal ah in aadan mushaar taajir ku noqoneyn. Shaqooyinka lagu qaato mushaaraadka lagu taajiro waa kuwo aad faro ku tiris ah una baahan aqoon xad dhaaf ah.

Xalku ma ahan in aad maanta isaga tagto shaqadaada oo aad ganacsi ku boodo balse haddii riyadaadu tahay in aad milkiile noqoto waa in aad qorshaha bilowdaa inta aad shaqada haysato

2. Waxaad ka cabsataa qatarta: Dadka taajiriinta ah waxaa lagu yaqaan hal calaamad taasoo ah in ay aqoonsadaan fursadaha isla markaana ay ku dhaqaaqaan markii ay fursad helaan. Waa kuwo aan ka cabsan qatarta isla markaana aaminsan faa’iido iyo qasaaro labadaba. Ujeedadu ma ahan in aad xoogaaga aad aruurisay si indho la’aan ah aad meel ugu shubto balse waa in aad ku xisaabtantaa in haddii aad fursad walba uga cabsato qataraha la xiriirta in taajirnimo inta cirku kuu jiro ay kuu jirto.

3. Fikradahaaga wanaagsan kuma camal fashid: Waxaa jira dad ilaahay u siiyay hadiyad in ay la yimaadaan fikrado qiimo badan balse aan wax camal ah ku samayn fikradaha. Dadkaas waa riyo ku nool oo fikradahooda kama miro dhaliyaan. Waxaa jidha maahmaah English ah oo oronaysa “Put your money where your mouth is” taaso ah lacagtaada geli hadalkaaga. Marka haddii aad hayso fikrad caalami ah madaxmadax isugu tuur.

4. Ma taqaanid sida loo maamulo lacagtaada: Haddii aad tahay qof mushaar fiican qaata waxaa jira wadooyin badan oo aad taajir ku noqon karto haddii aad lacagtaaga si wanaagsan u maamusho. Waxaad samayn kartaa maalgashi, iwm balse waxaa ka horeysa in aad kayd samayso marka hore oo aad maamusho miisaaniyadaada iyo qarashaadka.

5. Ma lihid qorshe: Dadka aan lahayn qorshaha meel ma gaaraan. haddii aadan lahayn ujeedooyin aad doonayso in aad gaadho sida in aad guri dhisato, in aad ganacsi abuurto 2 sano gudahood iwm meeshaada kama dhaqaaqaysid. Marka aad samaysato yool waxay kuu sahlaysaa in aad iska ilowdo waxyaabaha yaryar ee qarashka ku galinaya adiga oo xooga saaraya in aad gaadho yoolka weyn.

6. Ma dadaashid: Taajirnimo laguma gaaro adiga oo hurda ama telefishinka daawanaya maalintii oo dhan. Si aad u noqoto mid horumar gaaraa waa in aad dadaalkeeda la timaadaa. Dadka taajiriinta ah waxaa lagu yaqaanaa karti iyo shaqo badan.

7. Dadka saxda ah xiriir lama samaysid: Taajir noqon maysid haddii aad waqtigaaga ku dhumiso dadka aan faa’iidada kuu lahayn. Marka aad yool samayso waa in aad ku xirantaa dadka kugu caawin kara in aad guul gaadho. Dadka horumarka sameeyay ee aad wax ka faa’idaysan karto waa in aad barataa oo saaxiib la noqotaa.

 

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

4 Responses

  1. Elmi says:

    Jag håller med dig nästan alla, Balse waxan aad ula dhacay “Qorshe malihid” hadi u qofku qorshe sameysto oo weliba shey faaido uleh mustaqbalka, manta wad noshahay weyna ku dhaftay manta mana kugu so labaney lkn beri wa in u qofku ka fikira wax ba is bedeli Karo beri weliba dhinacyo badan shaqada ad manta ka shaqeysid wad wayi karta wad jiran karta marke hadi ad sameysto manta wax faaido ku leh beri bad ku badbadeysa….mahadsanid jimcaale..

    U codee: Thumb up 1 Thumb down 0

  2. Saciid Cabdi says:

    Runtii waa maqaal wanaagsan oo qofkii taajirnimo iyo lacag ay oga cadahay uu wax badan ka faa’iidi karo.

    U codee: Thumb up 0 Thumb down 0

  3. kuku says:

    jimcaale aad ayaad umahadsantahay sxb nin wax garad ahna waa tahay dadka somali u baahantahay. sxb aniga ayaa aad u jecel inaan wax qabsado si aan dadkaygana ugu faa ii deeyo habeen ilaa subaxaa waan ku soo jeedaa waxaan mar walba dhagaystaa ama internet ka ka akhriya talooyinka ay bixiyaan dadka taajiriinta ah lkn waxad qabsan lahayd ba europe ayaa ku hortaagan shitt

    U codee: Thumb up 1 Thumb down 0

  4. yaska says:

    Adiga ugaaas horta hawshan gal kadib ayaan kaa daba bilaabaynaaye inshalaahe

    U codee: Thumb up 0 Thumb down 0