Abshiro oo dadaal dheer ka dib dhamaysay dugsiga sare

Abshiro Ahmed Barre waxay dadaal dheer ka dib ku guuleystay in ay dhamayso dugsiga oo ay noqoto kalkaaliso (undersköterska). Abshiro oo hada 48-sano jir ah ayaa wargeyska Hallands Nyheter uga warantay wadadii dheerayd ee ay u soo martay waxbarashada iyo mudadii ay ku riyoonaysay in ay noqoto qof waxbartay.

Abshiro oo ku barbaartay baadiyaha Somalia ayaa waligeed ku riyoon jidhay in ay maalin waxbarato. Hooyadeed ayaa ahayd umuliso, iyadoo doonaysay in ay ku dayato oo raacdo raadkii Hooyo. Markii ay magaalada soo galeen ayay Abshiro doonaysay in ay iskuul bilowdo balse taasi uma suurto galin oo waxay noqotay guri joog hooyo ka caawisa arimaha qoyska.

Abshiro ayaa sanadkii 1990 waxay soo gashay Sweden qaasatan magaalada Falkenberg, iyadoo aan waxna qorin waxna akhrin. Markii ay Sweden timid ayay ceeb ku noqotay in ay tahay qof ummi ah, iyadoo isbartay sida wax loo qoro ka dibna ku biirtay iskuulka SFI. Abshiro ayaa doonaysay in ay waxbarashada sii wadato balse arimo kale ayaa ka soo dhexgalay oo ku jiraan caruur iyo arimo qoys.

Sanad iyo bar ka hor ayay Abshiro soo gashay dugsiga sare qaasatan barnaamijka daryeelka caafimaadka:

“Sanadkii kowaad waxaan dhowr jeer ku fikiray in aan iska dhaafo iskuulka balse aad ayaan u dadaalay. Macalimiintayda ayaa qeyb weyn ka qaatay kuwaasoo fahmay in Swedishku uusan ahayn luuqadayda hooyo isla markaana si fiican wax iigu sharaxay” ayay tiri.

Dhamaadka bishii December ee sanadkii tagay ayay Abshiro dhamaysay dugsiga sare ee ku yaala degmada Skogstorp oo ay qaadatay shahaadada.

“Waxaan dareemayaa farxad iyo in aan guuleystay. Marnaba isma dhihin waa gaaraysaa” ayay hadalkeeda ku soo afjartay.

Qisada Abshiro ayaa muujinaysa muhiimada ay leedahay dadaalka waxbarashada iyo in qofku uusan marnaba ka harin riyadiisa. Sidii hore loo yiri, Dadaalaa waa gaaraa! Abshiro waxay tusaale u tahay haweenka Soomaaliyeed iyo ragga ku nool Sweden in ay ka faa’idaystaan fursadaha waxbarasho ee ka jiran wadankaan.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

11 Responses

  1. mandeeq says:

    Hidden due to low comment rating. Click here to see.

    Fikrad aan lala dhicin Thumb up 2 Thumb down 11

  2. Kabtan matii says:

    mashaa Allah hambaliyo ayaan leenahy

    Fikrad lala dhacay Thumb up 8 Thumb down 0

  3. omar says:

    Asc. horta undersköterska raga manoqon karaan? dumarlee arkaa oo kalkaaliso ah.

    U codee: Thumb up 0 Thumb down 1

  4. Mohamed says:

    Hidden due to low comment rating. Click here to see.

    Fikrad aan lala dhicin Thumb up 1 Thumb down 11

  5. Amal says:

    Masha allaah waa wax kudayasho mudan

    U codee: Thumb up 4 Thumb down 0

  6. Samatar says:

    Hidden due to low comment rating. Click here to see.

    Fikrad aan lala dhicin Thumb up 1 Thumb down 10

  7. Juuq lawe says:

    Abshiro Waxan kula talin laha iney jaamacad ku darto hada Waxeey baratay sida qalinka lo qabto o kaliya

    U codee: Thumb up 1 Thumb down 0

  8. ku dayasho says:

    masha allaah walashey waad dagaashay waxaana tusaale u tahay dadka amisan in aan waxbo la barakarin. mida kale dad mar kasta soo qoraayo dhaleceynta webbka dad oo dhan oo dhaxeyaa. tiina lee haka fakarinina. walaal jimcaale waad mahadsantahay noo soo qor dad somalidaa wax bartay oo dadaalay waayo inta wax barashada jaceyl ayey dhira galin u tahay.

    U codee: Thumb up 1 Thumb down 0

  9. ali says:

    Asw hanbalyo dadalka sii wad. Hadaalin .walaal waxaan weeydiin lahaa akhyaarta interfiyow ayaan hak sano ka hor maray. Hada waxaa iyimid balan ah dhameeystir saab jawaab usuguyaay. Bal asxaabey rajada kawarana qof anoo kale ah majiraa

    U codee: Thumb up 1 Thumb down 0

  10. Amulah says:

    Horta mansha allah ayan leyshsy. Lakin 48 jir hadey tahay 1990 gina so gashay wa 26 yrs waxay timi wadanka iayafoo 22 ah , inta ka badan ay la qabankara . Waxan islaha 4 sano mey jogtay wanba naxay markan arkey tarikhdey timi . 26 sano runti ma yaro . men alla fall hon vunnit, kowa 1990 gi yimi ee wali hurda aya jiro o warqada lo akhriyo wa ale mahadi hadey kacdey

    U codee: Thumb up 0 Thumb down 0

  11. faay says:

    waa wax lagu farxo masha allaah walaasheey sii wad dadaalka

    U codee: Thumb up 0 Thumb down 0