Arintii odayaasha Soomaalida oo gaadhay baarlamaanka Sweden

Isbuucii hore waxaan soo qornay in booliska lagu dacweeyay ururka Odayaasha Soomaalida Borlänge iyo shirkada Dalatrafik kuwaasoo lagu eedeeyay in ay bilaabeen shaqo waardiye oo aysan fasax u haysan. Dacwada ayaa waxaa ka dambeeya maamulka gobolka (Länsstyrelsen) oo aaminsan in Odayaasha Soomaalida aysan sharci u haysan in ay amaanka sugaan.

Hadaba dooda ku saabsan odayaasha Soomaalida ayaa sii kululaatay, iyadoo isbuucaan uu mid ka mid ah xildhibaanada baarlamaanka Sweden oo lagu magacaabo Carl-Oskar Bohlin uu la saftay odayaasha, isaga oo dacwad ka gudbiyay maamulka gobolka (Länsstyrelsen). Dacwadaas ayaa waxaa loo gudbiyay Gudiga Cadaalada ee baarlamaanka (JO, Justitieombudsmannen).

Xildhibaanka ayaa ku doodaya in Maamulka gobolka aysan sharci u haysan in ay dacweeyaan Odayaasha Soomaalida. Carl-Oskar Bohlin ayaa sheegay in uu filayo in la cambaareeyo ficilada maamulka gobolka isla markaana ay dib ula noqdaan dacwada ay ka gudbiyeen odayaasha Soomaalida.

Dacwadahaan is-dabayaala ayaa ka dambeeyay, ka dib markii ay qalalaase ka abuureen basaska ka shaqeeya magaalada Borlänge dhalinyarada Soomaalida ayaa shirkada Dalatrafik waxay bilowday wada-shaqayn ay la yeelanayso ururka odayaasha Soomaalida Borlänge (somaliska PRO-föreningen), iyagoo iska fasaxay waardiye ay horay lacag ugu siin jireen sugida amaanka basaska.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

4 Responses

  1. Adem says:

    Dhalinyarada soomaalida ee qurbaha kunool thug life ka haka baxaan wadamadan iyagu malaha waa qaxoonti waddankoodii ayaa u baahan siday wax ugu qaban lahaayeen haku fakaraan sidoo kale bulshada ay dulsaarka kuyihiin haka daayaan qalalaasaha iyo fowdada

    Fikrad lala dhacay Thumb up 16 Thumb down 1

  2. gurey says:

    war odeyaasha warkooda ma dhamaado bbc xitta waa ka maqli doonaa wareysigooda sidaan hadey ku sii socoto

    U codee: Thumb up 1 Thumb down 1

  3. ahm says:

    Sweden waa inay kuwaan dhaqanka xun ee iyagoo qaxootigaa fawdada la imaanaya ay xabsiyada ku gurtaa, waxaan dhaqan xumadooda magacay naga dilayaan waxay ku khamaarayaan magaca somaliyeed, ma mudna in loo dulqaato ee waa in sharciga la mariyaa iyagaa baran doona akhlaaqada magaalooyinka lagu joogee..

    Fikrad lala dhacay Thumb up 7 Thumb down 0

  4. Kamaal says:

    Asc jumcale arin aad uyara fiican ayad soo qortay lkn sheekada noo dhamaystir

    U codee: Thumb up 0 Thumb down 1