“Bandow halagu soo rogo soo galootiga, oo hala baro dhaqanka Swedishka”

Gudoomiyaha xisbiga Sverigedemokraterna (SD), Jimmie Åkesson ayaa shalay soo bandhigay siyaasadiisa ku aadan sida loo xalin karo rabshadaha ku soo batay xaafadaha soo galootiga ee magalooyinka waaweyn sida Rinkeby, Tensta iyo Husby ee Stockholm iyo Rosengård Malmö ayuu sheegay in loo baahanyahay in xaafadahaas lagu soo rogo bandow.

Åkesson ayaa doonaya in booliska la siiyo amaro u dhigma kuwa militariga oo ay xoog ku soo furtaan xaafadahaas oo uu ku tilmaamay kuwo gacanta ka baxay oo ay maamulaan dhalinyaro dambiileyaal ah. Waxa uu intaasi ku daray in dadka degan halkaasi bandow lagu soo roggo oo laga mamnuuco socodka habeenbkii.

Waxa uu intaasi ku daray in ciyaalka dhagaxda tuuraya si xoog leh loo cinqaabo isla markaana hoos loo dhigo da’da dadka lagu xabsi dhigi karo. Isagoo doonaya caruurta 18-sano ka yar in jeelka la geeyo.

Åkesson ayaa sidoo kale doonaya in kor loo qaado dhaqanka Swedishka ee xaafadaha soo galootiga, isagoo doonaya in lagu beero dadka dhaladka Swedish ah iyo ganacsiyo cusub. Iyo in soo galootiga loo sameeyo xaflado dhaqanka Swedishka, sida ciyaaraha iyo heesaha.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

5 Responses

  1. luul says:

    asc
    ninkan waa la wada ogyahay fikirkiisa iyo siyaasadiisuba waxa ey yihiin lkin hadii aan nahay soo galooti anagana wax badan ayaa naga qaldan oo ah dhanka xaqdhorka iyo extiraamka deriska ah waxa nalaga rabaa in aanan ku buuqin deriska suuqyada aan leys daba dudin ee si laba laba ah loo sheekeyso ex anaga soomaali ahaan waxan waxa caado noo ah in aan guryaha hortooda isla soo wada istaago oo aan ku shekeysano waa mida dadka dadka wadanka u dhashay ey nagula yaaban yihiin mida kale dhalin yaradeena ma xakameyn karno mana dhahno dhalinyarada sideen yeelnaa oo qofwalba cunugiisa waa u ceeb qarinaya asiga oo dhiban ayuu iska dhigaya caadi oo ku leeyahay wiilkeyga waa nin aad u dadaal badan oo waa ninka mustaqbalka i badali doona waxad qarsato wey ku qarsadaan waxa fiican inta eysan xeero iyo fandhaal kala dhicin in maskaxda laga shaqeysiiyo oo la foojignaado oo la dadaalo oo meel fog wax laga eego isku xirnaan la sameeyo ciyaalka loo caqli celiyo waxyaabo ey ku daydaan oo fiican loo sameeyo ilaahey waxuu na yiri dadaal ana waa kula jiraa wixi intaas ka soo harana aan ilaah u deyno hadii eynu nahay waalidiinta dhalay dhalinyarada loo tashanaya

    wa bilaahi towfiiq

    U codee: Thumb up 2 Thumb down 0

  2. bashi says:

    waa fikrado aad ufiican

    U codee: Thumb up 2 Thumb down 2

  3. Sayid says:

    Marka (Sverige bay) miyuu rabaa in loo bixiyo wadanka oo laga dhigo (Guantanamo bay) yar..!!!!!!!!!!

    U codee: Thumb up 0 Thumb down 0

  4. Way dhacdaa says:

    Ninkan horbooda xisbiga SD anigu ma jecli siyaasadiisa iyo mida xosbigoodaba. Sababto ah wax ay inta badan xambaarsanyihiin cunsurinimo iyo diimo nacayb markaas ninkaas isaga ah ALAH ha caafiyo waa xanuusanayaaye lkn waxa aan soo dhawaynayaa in dhaqanka swedhishka kor loo qaado ama la noolreyo / laxoojiyo si ay ajaanibta wadankani u fahmaan ama u bartaaanba dhaqankaas oon ahayn dadka qaniisiinta ah iyo wixii lamid ah

    U codee: Thumb up 1 Thumb down 0

  5. abdiofatah says:

    waxan oran kara wa fikrad ad uwanagsan maxa yelay ilama ficna qof wadankisi sogubay inn u wadan dad sameystay dhib kakiciyo xuriyad ad wadankaga kaweysay hakaradin wadan kalen

    U codee: Thumb up 0 Thumb down 0