Caruurta waalidkooda qasabka looga qaatay oo badatay

Waxaa badatay caruurta laga qaatay waalidkooda sanadihii dambe sida ay qortay idaacada SR iyadoo sanadkii hore ay 8 000 caruur ah lagala wareegay waalidkooda ka dib markii Hay’ada Socialtjänsten ay u aragtay in xaalada gurigooda ay tahay mid waxyeelo keeni karta.

“Waxaan aragnaa in caruur badan laga qaadayo waalidkooda, taasoo culeys dheeri ah saaraysa shaqaalaha socialtjänsten, guud ahaan waxay culeys saaraysaa dhamaan nidaamka wadanka” ayay idaacada u sheegtay Ing-Marie Wieselgren oo ka tirsan ururka Sveriges Kommuner och Landsting.

Sababaha ka dambeeya kor u kaca caruurta laga qaadayo waalidkooda, ayaa lagu tilmaamay in ay ka dambayso in bulshadu ay badiyeen dacwada ay u gudbinayaan dowlada. Iyadoo caruur badan laga qaadayo waalidkooda ayaa sidoo kale waxaa badatay racfaanka ay waalidiinta ka qaadanayaan go’aamada caruurta looga qaatay.

Ing-Marie Wieselgren ayaa sidoo kale sheegtay in kamuunada qaarkood aysan lahayn aqoon ku filan oo ku saabsan caruurta qasabka looga qaadayo waalidkooda, iyadoo kamuuno badan ay ka cabanayaan in xaalada caruurta laga qaadayo waalidkooda ay mararka qaar tahay mid adag.

Waalidiinta Soomaalida ayaa ka mid ah kuwa laga qaatay caruurtooda, iyagoo marar badan ay dhacday in caruurta laftooda ay waalidka dacwo ka gudbiyeen ama iskuulka uu dacwad ka gudbiyay. Sababaha ugu badan ee caruurta looga qaato Soomaalia ayaa ah in caruurtu ay sheegeen in la garaacay.

 

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

9 Responses

  1. Omar says:

    Asc dhaman asxbta ku xeran webkan iyo milkiilaha webka jimcaale salan kadib waxan jimcaale kuu shegaya in aad sameyso mowduuc wacyi gelin ah bulshada dhan ay faa iido u tahey adigana aad ka helayso ajar iyo xasanaad si aad ugu wacyi geliso sidii caruurta somaliyeed iyo walidka dhalayba uga faa iideystan adigoo uga hadlaya mowduuca sidii xariir wanagsan loogu sameyn laha waalidka iyo caruurtiisa adigoo la kaashanayo asxbta ku xeran bacdama mediaha uu kow ka yahey in la iskugu gudbiyo fikrado saliim ah una faa iido ah dhamaanteen walalayal wadankan aan jogno waa wadan aan diin iyo dhaqanba wadagin si la iskugu xirnaado walid iyo caruurba waa in aan ku sxbnaa sidii la iskaga difaci laha loona baabi in laha si aan noolaga helin fursad ah in masiibo Nagu dhacdo.
    Tan kowaad waa in waalidka ay caruurtooda ka dhigtan sxb iyo in lala sheekeysto cunuga si uu cunuga u helo kalsooni uu beri wax kasto kugu soo sheego mida dilida cunuga waxan waalidiinta somaliyeed ka codsanaya in ay ogadan in ay dhib ka imaneyso dilitanka caruurta wayo adiga walidka ahba walidkagii kuma dili jirin markad yareyd sidasoo kale aya laga doonaya marka wan ku dheeradey illaah baa naga wanagsan qaladna wuu dhici kara lkn aan ku dadaalno in aan caruurta dayin jimcalana waxan ka codsana in uu sameeyo mowduuc wacyi gelin ah.
    wixii aan ku qaldamey wad iga sixi kartiin wabillahi towfiiq

    Fikrad lala dhacay Thumb up 15 Thumb down 1

    • Jimcale says:

      Omar waa ku mahadsantahay talada wanaagsan balse waxaan idin xasuusinayaa in masuuliyada baraarujinta bulshada ay tahay mid nawada saaran, sidaa darteed cidii haysa mowduucyo tayo leh oo ku saabsan arimaha bulshada waan soo dhaweynayaa in ay ii soo diraan.

      Fikrad lala dhacay Thumb up 8 Thumb down 0

  2. abukar says:

    Mawduucaan waxaa fiican waaladiinta siiba hooyada in si fiican loogu wacyi gelikar.

    Fikrad lala dhacay Thumb up 8 Thumb down 1

  3. shukri says:

    Aabe ku dar sababto ah hooyo kaliged ma awodo wax walba sababto ah cawin ma haystan

    Fikrad lala dhacay Thumb up 9 Thumb down 0

  4. BISHARO says:

    Way jirta Arintaan Aniga waay igu dhacday in ilmahayga la isku dayo in la iga qaado balse allaha swt uma surto galin ayaga , waxa la raba waalidinta in aay muujiyaan dagnaan iyo karti , buuq iyo qaylo wax ma xaliso , qof kasta qalad waa ka dhaca , hana la is ilaaliyo . Ilmaha wax u roon unba dan ugu jirta laakiin waa in jacayl walidnimo la tusa ,, ilaahay waxan ka baryaya in qofkasta lo so celiyo awlaadooda ,

    Fikrad lala dhacay Thumb up 10 Thumb down 1

  5. Abti-Doon says:

    Wada-madaan Galbeedka in aan ka tagno..man sameyno oo wadankeyni man ku labano meel caaruurteyna Jilbaab ino xiranayan..oo diinta ino baranayan …manta waqica an kusugu-nahay oo anku noolnahay wa calol xumo..marka laga reebo goryaha dowlada ina siisay iyo inta yar ee cayrta ah..ee caruurten waliba dhaqan koodi iyo diintodi katagen..let’s be serious, wilasha badankoda qurankaa iyo diinta sifican uma yaqanan..gabdhihi Jilbaabka wala wada tuuray..hadana caadi ayi ina noqontay..waxas ceebta ah ee laga yaqyaqsodo..fadlan an isku dhiiri gilino sidi an ugu tagi lahen wadamadan dhamanten hadi kale carurtada sida jeceshahay kuma nolanayan..wana laga qadanaya…

    U codee: Thumb up 3 Thumb down 0

  6. som says:

    Waxaan ahay turjubaan somaaliyeed oo Deggan Sweden mowducaan waxaan ka hayaa qisooyin run ah oo muhiim u ah shacab ka soomaaliyeed in ee wax ka ogaadaan waxaan kaloo awoodaa in aan siiyo talooyin muhiim u ah xaga sharciga ku saabsan waxaa muhiim ah in waalidka caruurta dhalay uu akhristo dambiyada looga qaadan karo caruur iyo in uu iska ilaaliyo wax kasta oo abuuri kara shaki ku saabsan in uu dhib uu u geesto caruurtiisa . Aad baan u howlo badanahay laakiin arinkan wuu i taabtay halka uu marayo iyo sida ee bulshada somaaliyeed uga aamusantahay .

    U codee: Thumb up 0 Thumb down 0

  7. sucdi says:

    Walalo som Bal talo naga sii adigo mahadsan

    U codee: Thumb up 0 Thumb down 0

  8. Abdullahi says:

    Waa mahadsanay jaamac

    U codee: Thumb up 0 Thumb down 1