Waxaa ila soo xiriiray rag Soomaaliyeed oo codsiyo u diray
qeybaha kala duwan ee siyaasiyiinta Sweden. Ragaan ayaa codsi ku aadan in laga qaado xayiraada mideynta reeraha Soomaalida u diray Laanta Socdaalka (Migrationsverket), Wasiirka Socdaalka iyo xisbiyada ku jira baarlamaanka Sweden ee ku mideysan dowlada.
Codsigaan ayaa lagu dalbaday in shuruuda laga qaado Soomaalida ayagoo raga codsigaan diray si shaqsi ahaan ah codsigooda ugu muujiyeen dhibaatada haysata iyaga iyo reerahooda ka maqan ayagoo codsiga ku muujiyay sharciyadii adkaa ee Maxkamada Socdaalka ay dul dhigtay Soomaalida.
Mid ah kid ah raga diray codsiga ayaa mar uu ila soo xiriiray ii sheegay in uu jawaab farxad leh ka filayo dhinacyada uu la xiriiray.
Si kastaba ha ahaatee waan idinla soo socodsiin doonaa jawaabta laga bixiyo codsiyadaan ayadoo aysan ahayn markii ugu horeysay ee codsi loo diro Dowlada Sweden in ay shuruuda ka qaado Soomaalida ayadoo hada uu waqti ka soo wareegay markii uu wasiirka Socdaalka sheegay in uu dib u eegayo arimaha Soomaalida. Sidoo kale waqti ayaa ka soo wareegay markii ay Laanta Socdaalka noo sheegtay in Maxkamada Socdaalka ay u fadhido arimaha Soomaalida ayadoon wali aan wax jawaab ah ka soo bixin.
