Cusbitaalada Sweden ayaa lagu dhaliilay ciriiri iyo farsamo xumo. Idaacada Sveriges Radio
ayaa soo tabisay in cusbitaalada uu ka jiro ciriiri aad u faro badan iyadoo arintaas horey loo mamnuucay. Cusbiitaalada qaarkood ayaa la sheegay in ay sariiraha bukaanka dhigaan goobo aan ku habooneyn sida wadada iyo masqulaha.
Sidoo kale qaar ka mid ah hospitalaada ayaa waxaa hore loogu dhaliilay farsamo xumo iyadoo dhowr jeer si qaab daro ah loola dhaqmay dadka daryeel doonka ah.
Soomaalida ayaa ka mid ah dadka dhibaatada ugu weyn iyo jahwareerku ka haysto cusbitaalada iyada oo marka ay dhaqaatiirta u takaan lagu yiraahdo “biyo badan cab”. Dad badan oo aan la kulmay ayaa arintaas walaac ka muujiyay halka kuwo kale ay sheegeen in aysan dib dambe u tagi doonin cusbitaalada.
Inkastoo nidaamka caafimaadka uu kala duwan yahay wadankaan iyo Soomaaliya oo si taxadar la’aan ah dadka daawada loogu qori jiray ayaa hadana mararka qaarkood waxaa la dhihi karaa dhaqaatiirta ka shaqeysa cusbitaalada Sweden in ay yihiin kuwo aan tixgalinta saxda ah siin bukaanka.
