Denmark oo aad u yaraynaysa lacagta la siiyo qaxootiga

Dowlada cusub ee Denmark ayaa shaqadeeda ugu horeysay waxay ku bilowday in ay nolosha ku adkayso qaxootiga, iyagoo lacagtii kaalmada ahayd ee la siin jiray dadka magangalyo doonka ah kala bar dhimay. Ujeedada lacagta loo dhimay ayay wasiirka arimaha isdhexgalka ku sheegtay mid lagu doonayo in qaxootiga ay doortaan wadamo kale oo aysan imaan Denmark.

Dadka magangalyo doonka ah ayaa hada la siiyaaa 10,849 kr bishii, iyadoo ay dowlada cusub lacagtaasi ka dhigayso 5,945 kr. Intaas ayaa waxaa dheer 1500kr oo la siinayo qofka baasa imtixaanka luuqada Danishka. Wasiirka isdhexgalka Inger Støjberg ayaa warbaahinta u sheegtay in qaxootigu aysan xaq u lahayn in la siiyo ka badan lacagta ay qaataan ardada reer Denmark. Waxay intaasi ku dartay in ay samaynayso wax kasta oo lagu yareyn karo tirada soo galootiga ee wadanka imaanaya.

Dowlada cusub ee Denmark ayaa u muuqata mid aad uga soo horjeeda soo galootiga. Xitaa waxaa gudoomiyaha baarlamaanka wadankaasi loo doortay haweenayda lagu magacaabo Pia Kjærsgaard oo horay u hogaamin  jirtay xisbiga cunsuriga ah ee Danish Folk Party.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

1 Response

  1. Somali says:

    Lacagta aad shegteen ma qofka sharci sugaha ah ayaa la Siyaa mise qofka sharciga leh oo caydha ayaad ka wadaan.
    Qoraalkina kala saara o dadka fahansiya

    Fikrad lala dhacay Thumb up 16 Thumb down 1