Islaamka iyo fahanka nolosha casriga ah

Waxaa shalay si rasmi ah magaalada Stockholm oga furmay kulan-diimeedkii sanadlaha ahaa ee golaha muslimiinta( islamiskaforbundet) fadhigiisii  32 oo socon doona ilaa 25 bishan aan ku jirno. Kulan-diimeedkaan oo inta uu socdo laga jeedsho muxaadarooyin diini ah oo luuqado kala duwan ku baxa ayaa sanadkaan waxaa lagu bilaabay Af-soomaaliga waxaana  kulanka maalintiisii koowaad oo shalay ahayd lagu qabtay xaafada soomaalidu ku badantahay ee Rinkeby halkaas oo maantana lagu wado in uu ka dhaco kulanka labaad .  Waxaa kulankii shalay  oo cinwaankiisu ahaa “Islaamka iyo fahanka nolosha casriga ah“ maxaadarooyin qiimo leh ka soo kala jeediyey Sh. Abdirahman Bashir oo ka hadlay is khillafka iyo kala aragti duwanaanta, noocyada khilaafku u kala baxo iyo sida ay tahay in loo xaliyo, Sh.Cusman Usuuli oo ka hadlay islaamka iyo nolosha casriga ah ,sida Europa loogu noolaan karo ayadoo muslim la yahay loona dhawri karo magaca iyo karaamada diinta islaamka iyo Sh.Abdirashid Ali Sufi, oo ka hadlay midnimada iyo is jacaylka muslimiinta.

Dhamaanba wadaadadii kulankaas ka hadlay waxay isku raaceen in asalka  islaamku yahay halmid oo aan asalka,sida Quraanka iyo Sunada la isku khilaafi karin laakiin fiqhiga ama fahanka nusuusta lagu kala duwanaan karo aysana haboonayn in taas loo turjumo khilaaf diini ah.  Sh. Abdirahman Bashir ayaa mar uu arintaas ka hadlayey waxa uu sheegay in kala duwanaanta xaga fahanka ah ay tahay wax aan sidaas u weyneyn oo aan u qalmin kala taga iyo is khilaafka muslimiinta maxaa yeelay inta badan culimada jawaabtooda waxaa saamayn ku leh khibradooda nololeed, sida halka  ay ku noolyihiin, bulshada ay la noolyihiin iyo xiliga ay noolyihiin,taas oo ay ka dhalanayso in qofka soomaaliya jooga iyo kan Sweden jooga mararka qaar hal su’aal  labo jawaabood oo kala duwan loogu kala jawaabo sababta oo ah waxaa kal duwan daruufta iyo halka ay ku kala noolyihiin, labada wax su’aale.

Sh. Abdirahman Bashir ayaa u soo jeedshay dadka ka mid ah dhaq-dhaqaaqyada islaamiga ah in urur ay ka tirsanyihiin uusan kala weynaan Islaamka oo aysan dadka kale u colaadin xarakaday ka mid tihid waxaana Sheekhu intaas ku daray in xarakaadka islaamiga ah loogu tala galay in ay noqdaan wado loo maro hor marinta amuuraha islaamka ayna gafweyn tahay in Islaamkii ka weynaa lagu kala geeyo oo qolaba Islaam gooni ah iska dhigto.

Faafi mowduucaan

Saciid Cabdi Cusmaan

Asc, ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

4 Responses

  1. Cabdirisaaq says:

    kheer badan ALLAHA siiyo culimadeena, dadkuna haka qayb galaan muxaadarooyinka si aan u fahamno xaaladda aan ku noolnahay.

    Fikrad lala dhacay Thumb up 6 Thumb down 1

  2. axmed says:

    diintu waanolasha aduunka

    U codee: Thumb up 3 Thumb down 2

  3. axmed says:

    waxaan dhihilaa walaalaha muslimiinta ah udadaala diintiina oo kaqabgala kulamada culumada ay isuguyimaadan waxad kafaa iidaysan waxyaalo madmodow idiin kaga jira

    U codee: Thumb up 3 Thumb down 1

  4. suleekha says:

    mashllh ilahay wuxu yiri فسألو اهل الذكر ان كنتم لاتعلمونmarka barashada diintu waa muhiim meesha khalad inooga jirana aan mashaaikhda ula laabano

    U codee: Thumb up 0 Thumb down 0