Ra’iisla wasaaraha dalkaan Iswiidhan Stefan Lövfen ayaa magaaladda Paris ee caasimadda dalka Faransiiska kula kulmay madaxweynaha dhawaan la doortay eeEmmanuel Macron. Labadan hogaamiye ayaa ka hadlay arrimaha ay ka mid yihiin muhaajiriinta, cimiladda iyo muwaadiniinta Midowga Yurub.
“Waxaan doonayaa inaan u mahadceliyo Iswiidhan oo ah dal wada shaqeyn caalami ahi naga dhaxeeyso, waxaan uga mahadcelinayaa misna wada shaqeynta nabad ilaalinta Maali iyo Gollaha Ammaanka. ayuu yiri Macron.
Kulanka labada hogaamiye ayaa looga hadlay wadashaqeynta Midowga Yurub ee mustaqbalka, soo galootiga, kor u qaadista shaqada iyo ammaanka qaaradda.
“Iswiidhan waxaa ay qaadatay mas’uuliyadeedii iyo ka badan markii ay sanadkii 2015-ka ay qaabishay mihaajirin gaaraya 160.000, waxaa aad looga riyaaqay Paris, waxaanse rajeeynaya in wadashaqeyn iyo badal hagaagsan lugu sameeyo siyaasadda muhaajirinta” ayuu yiri madaxweyne Emmanuel Macron.
Dhinaca kale ra’iisal wasaare Lövfen oo isna markiisa hadlay ayaa sheegay, siddii ugu haboon ee loo joojin karo mowjadda muhaajiriinta ay tahay arrin labadda dowladood quseeya. Midowga Yurub waxaa ay taa uga baahan yihiin waxa aweeye nidaam wada jir ah oo ay dhamaan xubnaha gollaha wadaagaan mas’uuliyadooda” ayuu yiri Lövfen oo misna intaas hadalkiisa ku daray in ay ka wada hadleen oo kale waxyaabaha u ah sababta dhibtaayinkaasi ee ka jira dalalka Afrika ee ka hooseeya Saxaraha oo ay labadda wadanba si caalami ah u joogaan.
Iswiidhan kulan bisha nofeembar qabaneysa
Somaliska.com-Göteborg
