Sheekada wiilka laga qaatay wiilidkiis ee Sweden ku dhiibaataysan ma runbaa?

Maalmahaan Facebook waxaa dad badan ay soo daabacayeen sheeko ku saabsan wiil da’yar oo Soomaali ah kaasoo reerkiisa laga qaatay isla markaana ku dhibaataysan Sweden. Waxaan isku dayay in aan soo raadiyo wiilka iyo gabadha Swedishka ah ee magaceeda sheekada lagu xusay balse iima suurto galin in aan helo. Haddii aad noo soo xaqiijin karto sheekadaan fadlan email soo qor ama hoos comment ku reeb.

Sidaan ayay ku qorantahay sheekada:

“Gabar u dhalatay dalka Sweden laguna magacaabo Carlina Johanson kana shaqeyn jirtey xafiiska caawinta bulshada soo galootiga ah ee dalkaas ku nool ayaa warbixin waxa ay ka qortay wiil yar oo soomaali ah oo ay la kulantay dhibaatooyin xanuun badana kala kulmay wadankaas iyadoo ay dhacday in shaqadii laga eryo gabadhaas markii dhibaatada wiilkaa soomaaliyeed ay soo bandhigtay waxaana wiilkaa yar Gabadhaa reer Sweden isagoo dhibta heysata uga waramaya uu yiri sidan:

Magaceygu waa Yacquub waxaan ku dhashay dalka soomaaliya sanadkii 2002 Anigoo 6 sano jira ayaa aabahay uu hooyaday iga soo kaxeeyey waxaana ku noolaa Sweden iyadoo ay jirtey in sanad walba xiliga fasaxa dugsiyada waxbarashada uu aabahay aniga iyo wiil walaalkay ah oo lix sanadood iga weyn uu noo kaxeyn jirey soomaaliya si aan hooyaday ula soo qaadano waqti.

Sanadku markuu ahaa 2012-kii ayuu sidii caadada ahayd aabahay aniga iyo walaalkay iga weyn soomaaliya noo kaxeeyey waxaana dhacday markii aanu dalka Sweden kusoo laabanay ayaa wiilka walaalkay ah xafiiska caawinta bulshada soo galootiga ah oo lacagta Ceyrta loo yaqaan nagu caawiya ayaa waxuu u sheegay in Aabo uu dugsi quraanka lagu barto oo soomaaliya ku yaala inuu nageeyey oo macalimiinta dugsiga ay ulo nala dhici jireen oo na garaaci jireen.

Hadaba waxaa dhacday aniga iyo walaalkay iga weynaa anagoo ku sugan Iskuulka aanu wax ka baraneynay ee dalka Sweden ku yaala in maalin  Duhur ah nalaka watay ama kaxestay waxaana naloo geeyey qoys reer Sweden ah oo degan meel Baadiya ama Miyi ah dabeedna 15 maalmood ka bacdi aniga iyo walaalkay waa nala kala kaxeeyey aniga waxaa lay geeyey meel tuulo ah oo qiyaastii 30, km u jirto halka uu walaalkay joogey waxaana qoyskii la ii keenay ay markiiba igu bilaabeen bahdilaad,aflagaado iyo in la ii jirxumaayo, midabkeyga madowga ah oo la iigu caayo waxaaana jirtey in haweenay macalimad ah oo aad u naxariis daran ay aniga iyo dhawr caruur ah oo u dhashay Sweden ay qol yar wax noogu dhigi jirtey.

Wiilka yar ee soomaaliyeed magaciisu yahay Yacquub isagoo hadalkiisa sii wata waxuu yiri waxyaabaha aan la kulmay waxaa ka mid ah Telefon aan aabahay ama walaalkay kula xiriiri mahaysto qof aan caawimaad weydiisto ma jirto habeenka iyo maalinku waa isku mid oo hurdada aan seexdo maaha mid macaan oo aan ka dhergo markaan musqusha ama suuliga galo qolkayga oo Go’ii iyo barkimooyinkii la kala tuuray ayaan soo noqdaa iyadoo qoyska aan la noolahay marka ay ii yeerayaan ay aad iigu qayliyaan weliba si argagax leh.

Waxaa dhacday mar aan la kulmay dad ka socday xafiiska caawinta bulshada soo galootiga ah ee dalka Sweden ku nool in aan uga waramay dhibaatada i heysata waxayna ii balan qaadeen in ay i caawinayaan laakiin waxba kama qaban arinteyda iyadoo laga soo bilaabo maalintii la iiga soo kaxeeyey halkii aan kula noolaa aabahay iyo walaalkay ilaa maanta ma arag warna kama haayo Ehelkayga waraaq kama helin Telefona kulama hadlin oohin riyo xun cabsi joogta ah ayaa intuba ii wehel ah.

Yacquub waxuu yiri sida caruurta ma ciyaaro wax farxad ahna ma heysto iyadoo qoyska aan la noolahay cunto ahaan ay aad u cunaan hilibka Doofaarka iyadoo maalmaha sabtiga iyo axada la ii kaxeeyo Kaniisada.

Ugu dambeyntii wiilkaa yar ee soomaaliyeed waxuu yiri waxaan is weydiiyaa dhibaatadan aan ku jiro yaa iga caawin kara sidii aan uga bixi lahaa waxaan Ilaahay ka baryayaa inuu ii sahlo sidii aan dhibtan uga bixi lahaa waxaana kaloo is weeydiiyaa qoyskeena gaar ahaan hooyaday ma geeriyootay mise waa nooshahay iyadoo aan mar codsaday in dalka Swedan gebi ahaan  la iiga musaafuriyo oo dalkeyga hooyo ee Somaaliya la iigu celiyo laakiin taasi iima suura gelin.

Gabadha reer Sweden ee lagu magacaabo Carlina Johanson oo warbixintan qortay ayaa tiri dalka Sweden waxaa ka jira ururo soomaali ah oo dawlada lacago badan kaga qaata in ay caawinayaan dadka soomalida ee dalka Sweden ku nool waxaan hadaba oran lahaa waa in ay arinta wiilkaa yar wax ka qabtaan oo caawinaan.

Fiiro gaar ah: sawirkan maaha wiilka soomaaliyeed ee warbixintan ay ka hadleyso keliya waxaan u isticmaalay qofka sawirka ka muuqda inuu yahay qof xaalad adag ku jira.”

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

17 Responses

  1. saleh ahmed says:

    dhibatadan waaa ay jirtaa wali meelo badan waxaana u daran masiibadan dumar ka kaligood nool ee caruurta aabahod ka tagay Marka ay arintaan qabsato waa arima jira oo wax ka qabad u baahan

    Fikrad lala dhacay Thumb up 5 Thumb down 0

  2. haanim says:

    Somali waxa ay ku bahdilantahay meel walbo

    U codee: Thumb up 1 Thumb down 0

  3. haanim says:

    qabiil intaan ku jirnay

    U codee: Thumb up 2 Thumb down 0

  4. Abdullahi says:

    Asc waxaan si naxariis leh kaaga codsanayaa inaad noo soo qortid warkan aad soo turjuntay si aan Caawimaad. Waxaan awoodno ugu qabano
    Mahadsanid

    U codee: Thumb up 1 Thumb down 2

  5. Jimcaale walaal 2014 kii ayey ahayd markaan kula soo xiriiray 10 jeer ka badan yacquub arintìsana aan kaaga waramay yacquub arintiisu marunbaa mise beenbaa hadal saxaafad lagusoo bandhigo maahan yacquub perssonal numberkiisu waa 020911 1673 linköping tingräten wac oo ka codso utredninkiisa iyo weliba qoraalka carolina johaanson

    Fikrad lala dhacay Thumb up 21 Thumb down 1

    • Jimcale says:

      Asc wll ma xasuusto xiriir aad ila soo samaysay balse soo qor qaabka adiga laguula soo xiriiri karo.

      U codee: Thumb up 0 Thumb down 0

  6. Qofkii islaamnimo soomaalinimo garab uga geysanaya yacquub arintiisa waa uga mahad celineynaa ogaada dhaqaale looma baahna macnawi garab istaag ah ayaan rabnaa sida midnimo wax uraadin sida masaajidada saxaafada ururada mudaharaad loobalamo oo sweden oodhan ka dhaca please 4 sanoo dhibaato ah nala qaybsada

    Fikrad lala dhacay Thumb up 12 Thumb down 1

  7. Antersson says:

    Yacquub aabihiis waan cawineenaa isoo wac telkeega 0736698431

    U codee: Thumb up 3 Thumb down 1

  8. luul says:

    asc
    yacquub iyo reerkiisa waan idiin duceynaya waa maalin soon ilaahey dhibka ha idinka dulqaado dad iga firfircoona ilaahay ha idiin bixyo aamin walahi caloosha ayan ka gubtay markan mowduucan aan akhriyey hadan awoodi lahaa in aan wax ka qabto walahi in aan sacadanba ku dhaqaaqi lahaa lakin waxba kama qabankaro ee waxan ka codsanayaa inti somali nima ku jirto ama islaan nima wax ha u qabtaano si weliba deg deg ah inti gacan ka geeysan karta

    Fikrad lala dhacay Thumb up 8 Thumb down 0

  9. Quman says:

    Ax ala beerkaa ixanuunay ilaahoow kasoo saar dhibka waa bil ramadaane caawi qoyskaaa yaarabii

    U codee: Thumb up 4 Thumb down 0

  10. Nuurahani says:

    Asc walhi waa arin ad unaxdin badan wslal halkaco oo mudaharad halagu cawiyo yaqub iyo abihi walal abaha kakaca cidkasto damirle haukacan

    U codee: Thumb up 2 Thumb down 0

  11. abdalla says:

    asc marka hore marka xigo waxaan layabanahay away wilka abahiis ama qarabo ama cid aqoon fican u leh maxeey u cawiin wayeen taas ayaan ka tabanahay marka hore tan labaad meahan sharci ayaa jiro wax qasab ah majiraan cid walba na wey taqaNa ee ku nool arintaan hadii sax tahay fadlan cid sifican u garaneeyso hadii eey jirto wa in ee cawiiyaan wayo wala cawiin gara wax weyn na ahan marka somalida taqaano wiilkan ha cawiyaan taas wa jib somalinimo in lius cawiyo waxaan rajeeyna war bixitan labasd in an maqlo wiilka oo arimihiusa sidu rabay u helo in an maqlo wa bilaahi towfiiq

    U codee: Thumb up 0 Thumb down 0

  12. Aad baan idiinkaga mahad celineenaa bulshada soomaaliyeed meel walbey joogaan waan ognahay dadkeena aqoonta iyo dhaqaaluhu wuxuu ka qaaday arinta bani aadamka ugu muhiimsan ee ah daacadnimada waana taas waxay awoowayaasheen uga karti iyo nololba wanaagsanaayeen caalamka kale waxan idinla wadaagayaa hal qiso oo yar aan hubo cidii khibrad nololeed xiiso u qabta si ay gaashaan uga dhigato mustaqbalka
    Cinwaanka qisadu waa nelsson mandela wuxuu u xirnaa 27 sano wiilka madow iyo gabadha madow nin cad iyo naag cad iney adoosato ilaahay dunida uma keenin

    U codee: Thumb up 4 Thumb down 0

  13. Seraar says:

    Asc all aan u duceyno cidii caawimaad sameynkartana ha caawiso

    U codee: Thumb up 1 Thumb down 0

  14. Mohamed says:

    Asc somaleyey runtii duco qalalan looma baahna duco waa loo bahanyahay waana bil RAMADAAAN lakin qof waliba waxa u awoodo haku kaalmeyo wllken gacan iyo awood fikradeed iyo mid shakhsiyadeed hadaadan ugu kaalmaynkarin fadlan codka aynu ugu kaalmayno intasaa ugu mihiinsan ilaahayna waxan uga baryaya inuu caawiyo ameeen

    U codee: Thumb up 0 Thumb down 0

  15. Miskiinka alburuuj says:

    waxa aan ahay 20 jir somali ah oo ku nool Sweden,waxa aan u baahamahay caawimaad ah dhanka warbixin ta maadama aanan haysan warbixin yaa i cawin kara mida kale wadankan maka jiraan somali cummunty, haday ka jiraan ma ii sheegi kartaan

    U codee: Thumb up 0 Thumb down 0

  16. Amulah says:

    Sheekads raqiiska ah orda umada kadaayo!!!! Waayo wiilka waxa tiri wuxu dhashay 2002 xilsga la qaatey 2012 waa jir walaaki wuxu ka weyna aya titaahden 6 sano haye waa 16 jir maantana waa 20 jir even hadey qaten kan wey waxay hayaan waa 2 sano ama 2 sano bilo dhiman , kaas marka ilaa hada lama hayo kamana warami karo xaaladiisa kkkkkkk yacquubna iminka waa 14 jir mana garan waayi karo meeshu wax ka bilaabi laha si uu cidaas uga tago haduuba sidaan uga sheekeynaayo, midakale sharciga Sweden 12 sano cunuga hadu gaaro isaga doorashada leh

    U codee: Thumb up 1 Thumb down 1