Xafiiska shaqada ee Sweden ayaa hada dib u eegis ku sameynaya qiimeynteeda shaqo la’aanta sanadka soo socda iyo Soo kabashada dhaqaalaha Sweden kadib dhibaatadii corona ee gugan waxay ka dhigan tahay in hey’addu hada aaminsantahay in xitaa hadii shaqo la’aantu sii kororto uusan xawaaraha lamid noqondoonin sidii hore.
Annika Sundén oo ah madaxa falanqaynta ee xafiiska shaqada ayaa sheegtay in ay u muuqato xaalada mid soo iftiimeysa
– Waxaan u aragnaa in suuqa shaqadu xoogaa iftiimay shaqo la’aantuna u kordhayn sidii hore.
Iftiimintaani waxay ka dhigan tahay in Xafiiska Shaqada ee Sweden uu saadaalinayo in shaqo la’aantu ay sii kordheyso xilliga dayrta ayna gaareyso 9,6% bilowga sanadka soo socda. Tani waxay u dhigantaa nus milyan shaqo doon ah. Qiimayn hore, tiradaasi waxay ahayd 11.2%.
– Dhaqaaluhu wuxuu bilaabay wax ka badan intii aan filaynay xagaaga ka hor, waxaan aragnay inaan meel hoose gaarnay inta lagu jiro xilliga kuleylaha sidaa darteedna waa isbaddal ballaadhan. Isla mar ahaantaana, waa in la xusuusnaado in weli ay jirto xiisad culus oo ka jirta suuqa shaqada oo ay ku yeelan doonto saameyn muddo dheer ah, laakiin waxay u muuqataa xoogaa iftiin ah, ayay tiri Annika Sundén.
Xafiiska shaqaalaynta bulshada Iswiidhan ayaa tilmaamtay in hubanti la’aan weyn ay ka jirto labada horumarin ee cudurka faafa iyo sida ay mustaqbalka u saameyn doonto suuqa shaqada Sweden. Kuwa hadda shaqada ku soo noqday waxay shaqo la’aan ahaayeen muddo kooban, 3-4 bilood.
Ugu badnaan, Xafiiska Shaqada Dadweynaha ayaa rumeysan in 78,000 oo dhalinyaro ah oo 18 ilaa 24 jir ah loo diiwaan gelin doono shaqo doon inta lagu guda jiro rubuca labaad ee sanadka soo socda.
