Soo galootiga oo barakicinaya dadka Swedishka ah

Waa arin cajiiba marka dadka ka soo qaxay dalkoodii ay sii barakiciyaan dadkii ay martida u ahaayeen. Arintaan ayaa waxay caado ka noqotay xaafado badan oo soo galootiga ay u badanyihiin in dadka Swedishka ah ee ku noolaa xaafadahaas mudooyin badan ay isaga cararaan ka dib marka ay u adkeysan waayaan dadka ka dhaqanka duwan mararka qaarna burcada hoosta ku wata ee la soo darsay.

Arintaan ayaa waxay marqaati ka tahay xaafadaha magaalada Stockholm ee sida Tensta iyo Rinkeby oo ay isaga huleeleen dadkii Swedishka ahaa. Wariye lagu magaacabo Johanna Langhorst oo Tensta ku nooleyd mudo 17 sano ah ayaa ka mid ah dadka ugu dambeeyay ee isaga barakacay xaafadaas ka dib markii wiilkeeda 2 jeer la dhacay.

Xaafada Tensta ayaa la sheegay in ay ku bateen burcada gaangiistarada ah oo aysan xitaa booliska wax ka qaban karin. Burcadaan ayaa dadka u gala goobaha tareemada. Booliska ayaan waxba ka qaban arinta halka maamulka xaafada ay indhaha ka laabanayaan dhibaatadaas.

Ma ahan Stockholm oo keliya meelaha ay ka barakacayaan dadka wadanka u dhashay, guud ahaan magaalooyinka Sweden ayay arintaan ka socotaa waxaana sabab u ah dhowr arimood.

1. Soo galootiga oo hal xaafad isugu yimaada halkii ay magaalada qofba dhinac ka dagi lahaa

2. Dhaqanka soo galootiga oo ka duwan kan Swedishka ee ku dhisan waxba haygu darsan waxba kugu darsan maayee, halka soo galootiga aysan habeenkii seexaneyn caruurtoodana aysan wadada ka dhamaaneyn.

3. Swedishka oo cabsi ka qaada dadkaan cusub ee xaafada la wareegay iyagoon isku dayin wax xiriira in ay la sameeyaan dariskooda cusub.

4. Qaar ka mid ah Swedishka oo isla weyni darteed isaga kuura xaafadaha soo galootigu ay ku bataan.

Qodobadaas aan soo sheegay eeda waxay saarayaan labada dhinacba balse aasaaska eeda waxaa iska leh soo galootiga oo halkii ay umadooda ka mid noqon lahaayeen isku meel soo dhoobta sidaasna ku abuura xaafadaha soo galootiga ee caanka ka noqda magaalo kasta.

Soomaalidu waxay dhibaatadaan ka yimiid nambar 1. Waayo waxaan nahay dadka is raadsada ee meelkasta oo ay degaan isku xaafad dhoobta. Aniga waxaa ila haboon si aanan fursad u siin fikradaha cunsuriyiinta in dadku aysan isku xaafad dagin waayo markii ay taaso dhacdo waxaa soo shaac baxaya ceebaheena.

Waa dood furan >>>>>

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

18 Responses

  1. cabdiraxmaan says:

    run ahaantii maqaalkani waa run waayo si wanaagsan ayaa loogu muujiyay dhaliilaha labada dhanba waana ku mahadsan tihiin. arrimahan maqaalku ka hadlayo oo dhan waa ku saamaynteeda leh oo jira oo u baahan in labada dhinacba ay wax ka bedelaan swedishka iyo soo galootigaba. swedishku ha joojiyeen guuritaanka waayo waxaa ay noqon kartaa cusuruyayn ajaanibtuna meel isku ururka xad dhaafka ah ha joojiyeen kolay cidiba isma haleesheene haday muslimiin yihiin oo kale hal masaajid oo meel dhex ku yaal ayay samaynsan karraan .marka ra’yaga qoraaga maqaalka waan la qabaa fikirkaa. inkastoo cusuriyada guuuritaanka swedishka ka soo horjeedo .

    U codee: Thumb up 2 Thumb down 1

  2. { Abuxudayfah } says:

    Cad ceed muuqata , calaacal laguma Daboolo,, waa arin jirta welibana xaafada hadda aan deganahay , sidaa ayaa ka jirta waxaa degan kaliya dadka Waayeelka ah iyagana , mararka aad dabaqyada xaafada hoos maree , waxad arkee iyagoo Daaqadaha taag taagan , oo didsan.

    ;;;;;
    Dhacdo Yaab leh ::::: maalin ayaa waxaa geeriyooday islaan deriskayga ah , Allaha u Naxariisto e. Waa taqaaniin waxaa la sameeyaa Tacsi , markii islaantii la soo aasay ayaa qabrigii dad aan isleeya dhawr boqol ayay ku dhawaayeen dib uga soo laabteen .

    Dadka dhamaantood xaafada Tacsidu ka jirtay ayaa lagu balamiyay.

    Sida aad garanaysaan , intaas oo dada hal guri wax laguma siin karo , dabcan qadada ayaan ka hadlaa . markaa ayaa waxaa dhacday xaafada agagaarka ah oo dhan intii Soomaalidu deganeed ayaa dadkii guryihii loo kala qayb shay ….

    Markaa ayuu guri walba Buuq socda , noqday , waxa saxan bariisa dabaqa 4 aad lala sii ordaa , midka soo degaa albaabka iska balaqan , buuqa dhacaa , markaa ayaa waxaa arkee Xaafada Swedhishkii degnaa oo Amakaagsan oo Yaaban !

    Oo Daaqada soo taag taagan …………. Walaalaha Tacsida leh , Qaladka ay sameeyeen ayaa ahaa …… marka aad Tacsi ama Xaflad qabto waxaa lagu dhejiyaa albaaba xaafda in aad waqtigaa ilaa waqtigaa aad xafdlad leeda . Markaa dadku ku dhibsan maayaan …………. Xitaa kuma dacwayn karaan haddii aysan sax dhxe ahayn…………….

    Walaalaha waxaan Kula Talin Lahaa in Dhaqankaa wax laga bedelo…….

    U codee: Thumb up 2 Thumb down 2

  3. safiya ali says:

    Aniga figrad ahan wa ila tahay in ladhibo wayo iyaguba dadkena wa no diden

    Dood kulul. Ka Jawaab? Thumb up 3 Thumb down 7

  4. { Abuxudayfah } says:

    Astagfurullaah , Safiya walaal Deris Xaq ayuu leeyaa , teeda kale haddii a Dalkooda Noo Diideen , miyay Ku Qaldanyihiin ?

    Anaga ayaa hadda nagala qaxaa , kuwa kale haddii ay imaadaan ka waran ?…………

    Mida kale soo ma Ogidiin in dadkaa ay SD u codaynayaan , maxaa yeelay xaafad ay 50 sano soo degnaayeen , oo ilmahooda iskoolo uga dhigan jireen ayaan ka qaxinay !!

    U codee: Thumb up 5 Thumb down 1

  5. Saciid Cabdi says:

    Dhibaatooyinkaan iyo kuwa kale oo badaniba wey jiraan,lakinanigu xalka uma arko in la kala cararo oo qofba wadanka meel ka galo amaba magaalada kaligi meel ka dago.

    Hadii taasi dhacdo waxaa dayacmaya waxyaabo badan oo umado si wada jir ah u qabsato,sida kala ganacsiga u dhexeeya dadka isku wadanka ah, isbrida waxyaabaha u goonida ah,sida dhaqanka iyo diinta oo soomaalidu caado u leedahay in ilmaha halmeel la iskugu keeno oo quraanka lagu baro oo ay aad ugu amaananyihiin dhaqan wanaagsana ah iyo xataa midnbadii guud iyo isku xirnaantii oo daciifaysa, tusaala ahaan qofka aan dadkiisa ku dhexjirin ee ee bulshada kale inta dhexgalay ku fogaaday mudo yar ka dib waxaad arkaysaa qofkii oo afkaar aad loola yaabo xambaarsan.

    Aniga waxaa ila wanaagsan in dadka ajaanibta ah wadankasta oo ay tagaan xaafadaha ay camiraan ay ku soo kordhiyaan dhaqan wanaagsan iyo ilbaxnimo hor leh, sida gacacsi fur-furan, dad la dhaqan wanaagsan iyo faldambiyeedyad oo ay si wada jir ah oga hortagaan.

    Waxaan kaloo dadka Soomaalida ah, si gooni ah kula talin lahaa, in ay diinta ay rumaysanyihiin oo ah raxmad iyo ilbaxnimo dhamaystiran ku dhaqmaan oo ficil ahaan ugu dhaqmaan ee aysan magacana ka sheegan wax gabi ahaanba ka soo horjeedana ku dhaqmin sida Sweden ka jirta.

    U codee: Thumb up 1 Thumb down 1

  6. faysal says:

    waa wax lo bahan yahay in la xushmeyo qomiyada aan la daganahay, mida kale qasab ma ahan in aan isku xafad dagno, ee somaliyeey danihiina iyo ayihiina u taliya

    U codee: Thumb up 2 Thumb down 1

  7. aabbe says:

    aniga waxaan qabaa in soomaalida ay hal xaafad iskugu yimaadaan sababtoo ah hadii ay kala firirsamaan waxaa fududaaneysa in dhaqankooda uu bedelmo afkooda uu lumo in caruurta aysan helin waxbarasho diini ah ma aha inaan fiirino ama aan qancino dadkaan aan dalkooda ugu imaaney oo ay sidey rabaan u yeelno adigana waxaan kuu sheegayaa in aadan dadka ku dhiirigelin in ay kala fogaadaan ama ay qanciyaan gaalada. Dadkaan weligood raali nagama noqonayaan ilaa aan raacno diintooda marka aniga waxaan qabaa in dadka lagu dhiiri geliyo in yurub ay noo tahay meel ku meelgaar ah oo aaan weligeen joogi doonin marka intaan joogno aan dhaxanta iska dugsano ogoowna foowdada waa waxa dalkeena u gaarahe oo neylagu gartaa. Soomaaliyeey israaca qabiiladiinana taageera gaaladana diida diintooda diida beesadoodana qaata warkoodana diida

    U codee: Thumb up 0 Thumb down 1

  8. jimale says:

    ssxb dadku in ay iska war qabaan ceeb maahan ee diinta ayaa qabta in loo tago qofkii, la is la socda hadii uu caafimad qabo iyo hadii kale, mel gar ah lagu wada shekeysto, guri cid kuma jiri karto ilaahbaa nalehe, 2 sano iyo bar ku daris ila ah mma Hej wax dhaafsiisan isma dhahno, tasina waa ila qalafsantahay aniga, qeyladana dhaqan ayana ulenahay, marka dhib malaha koleyba nin naagtaada usocda gabadhaa kaayelimaayo, cunsurigu jaanis ha ileen kor ayaa ud hadaashiin hadey janis tahay oo mel ayaa dhoobatiin aragne

    U codee: Thumb up 0 Thumb down 3

  9. najam says:

    Asc dhamaantina.waa ku mahadsan tihiin figradihina runti .swedanka waa iney baartan la nolashada wadamada kale . ma ahaan iney gurana .tan labadna waxaay tahay ajana ibkana .waa iney bartaan dagnaanshaha ma.ahaan iney sameyaan xaad gudub ile wadaanka martida ku tahay waa ina ixtiraantiid
    anigo uu soo labtaay dadkeyga somali oo mar marka qarkoda kula dodayaan galada dharkoda maxaay uu gishada dharka gabaan ama ku dhagaan ,waa qalad qofa dhulkisi jogta hadale dharkisi wax ka sheeg waa wax xun ..
    aniga waxaan ka ogadaay ardayda an isla dhigana skulka maanto dhaan macalimada dharkeda wax laga shega laguna qosla .walaahi waa wax laga xishoda in qof wadaankisa logula talinayo .ee somaliyeey waa ina ogadaan qarkina .swedan waxaan ku nahay marti waa ina ixtirano .ile anagaba jalabiibkena meelkaasta la marna mana ka hadlano .ee umada nabad galiya taasa iga wana . .wixii qaladana ka rali noqda .ile waa wax jire

    U codee: Thumb up 2 Thumb down 1

  10. Abdi says:

    asc ?
    haa hadalka si fiican ban u fahmay inta u danbaysa ee ah in aan meel kaliya lawada dagan waan taageersanahay ,
    tusaale anigu waxaan daganahay magaalo yar oo kutaala Norrbotten oo la yidhaa Boden , magalada markaan dagaayay somalidu aad bay ugu yaraayeen tusaale waxa daganaa 2 qoys iyo 3 wiil oo somaliya . kadib waxa dhacday hada in ay somalidii ku soo badatay oo hada ilaa 100 baanu gaadhaynaa , hadaba waxa ay dhamaantood iskugu tageen halkxaafad oo kaliya oo had wado ay marto .
    markaasaa marka aad ku soo dhawaato sawaxanka iyo qaylada ka dhacaysa waad yaabay saa , maalin aniga oo qof caawianya raba in uu guri ka kiraysto boden ayaan waxaan la kulmay islaan swedish ah oo loo sheegayo in uu guri ka banaanyahay meeshaas aan horay u soo sheegay ee ay somalidu aad u dagtay islaantii waxay la soo booday (nej, nej nej ……… jag vill inte .. markaas bay waydiisay gabadhii Y ?
    waxay ugu jawaabtay ajaanibka ayaa ku badan ……. tack dhamantiin dadka hakala fogaadaan dadkana ha dhaxgalaan . lakin tus dhaqankaaga fiican hana samayn wax diintu kaa reebtay . samayso sxb swedish ah laciyaar kubada cagta , lakin iska jir wax yaalo badan baad kula duwantihiin bye dhaman tiin

    U codee: Thumb up 1 Thumb down 0

  11. A.m says:

    Asc, waxaan deganahay sweden mudo dheer waxaana mudo u fiirsanayay waxa sababta u ah in soogalootigu is raadsado meelna dego kaligood iyaga oo aan xiriir la sameyn deriskooda swedishka ah, waxaan eeda saarayaa anigu swedishka waayo waxeey aaminsan yihiin in dhaqan koodu uu bedelmayo hadii eey ku dhex jiraan soo galootiga tusaale waxaan la kulmay dad ka guuraya xaafadeyda oo swedish ah markii aan weydiiyay sababta waxeey ii sheegeen sababo kala gedisan laakiin isugu imaanaya in eey ilaalinayaan dhaqankooda iyo kan caruurtooda, taasina waa tan caqabada ku ah is dhex galka wadanka.

    U codee: Thumb up 0 Thumb down 0

  12. Abshir says:

    Asalaamu Caleykum Dhamaan Walaalaha Akhrista Somaliska.com, Hadii aan u gudo galo mowduucan in dadka u dhashay wadankan Sweden ay isaga guuraan xaafadaha ay u badan yihiin Ajnabiga, Run ahaantii waan la wada Soconaa hadii aan Anaga iska bilowno Soomaali ahaan, Ma Garaneyno waxa la yiraahdo Wadaninimo, Wadankan Sweden way na soo dhoweeyeen, Guri, Caafimaad iyo lacag kaalmo ah ( Ceyrta ), marka waxaan ugu darnaa miyaa Dagaal ama dhac iyo kufsi. Taasi Qalad ayaan u Arkaa waa in aan Tusnaa dadkan Swedishka oo aan deriska nahan waxa aan nahay oo aan barnaa dhaqan wanaag. Run ahaantii Magaaladan aan degenahay mudo 22 sano wax dhib iskuma qabaan Ajnabiga iyo dadka wadanka u dhashay, Laakiin waxaa dhici karta Xaafada Tenste inay ku soo bateen dhalinyaradii wadanka soo baabi,iyey oo aan weli baran waxa la yiraahdo Isdhexgal ama Integration.
    Waa in aan ka hadalnaa mawqifka xaqiiqadiisa , Hadii aan qaldamay iga raali ahaada.

    U codee: Thumb up 1 Thumb down 0

  13. Sak says:

    asc

    Anigu personally waligay xaafad swedish ku badan yahy ma dagin waayo dadkan isku dhaqan iyo diin toona ma nehin.Qurbu ayeynu joogna oo qof kasta wuxu raba inu ku dhawaado qof ay isku af yehiin siiba markaad caruur leedahy wadankan ku dhashay eed rabtid iney af somali bartaan.Gaaladan dhaqan xuma mooye wax kale oo wanaag ihi kama imaaneyan.Aniga dadka waxa kula talin laha sida ku wada oo dadkan ha dhex dagina oo magaalyenka waaweyn iska ilaaliya.Ilaahy dadkan sharkooga ha naga qabto.

    U codee: Thumb up 2 Thumb down 0

  14. Abdulkadir Abdi says:

    Asc waa run way jirtaa dhibaatada noocaan ah gaarahaan soomaalida waxay aad u jecel yihiin inay deris noqdaan laakiin meeshii ay 5qoys soomali ah dagaan ayaa layskugu tagaa oo ajnabiga oo dhan aadaan halka swedishkuna ka sii guuro kadibna waxaa soo aada oo xaalada uga sii dara ajnabi ka yimid yurubta bari oo dhac iyo boob iyo daroogo ku harqiya dabadeedna saameeya bulshadii invandrarka ahayd ee daganeyd halkaas caruurtoodii soomaaliduna qeyb ka tahay waxay iala tahay in xal loogu heli karo arintaas in wada shaqeynta maamulka degmada iyo dadka wanaagsan ee invandararka ah ay iska kaashadaan sidii loo kordhinlahaa aktivitetyada isdhexgalka bulshada qaybta wayn ka qaata waxaa kale oo aan dareemayaa inay xaalada uga sii dareen baabi intii hay ada is dhex galka la baabi iyay horaantii sanadkaan xafiiska shaqaduna ma noqonin badal ku haboon xaga ka warqabka soogalootiga.

    U codee: Thumb up 1 Thumb down 0

  15. Aamino says:

    ANIGA WAXEY ILA TAHAY SOOMAALIDU MA XUMEE SWEDISHKU AYAGAA CUNSURIYIIN AH OO U BANEEYA XAAFADA DADKA SOO GALOOTIGA AH MARKEEY SOO DEGAAN

    U codee: Thumb up 1 Thumb down 0

  16. hamdi says:

    asc aniga fikirkayga waxan oranlaha 2 qolaba inay wxakabadalan anagana anan dhib usoo kordhin umada an u nimi wadankodana naguso dhaweyayay ayagana wadkumahadsanihin so dhawyantina balse waxaa ficnan lahyd inan dhaqnakina ixtiram xino kayagana aad nagu ixtiramtan dadkuna hadu is ixtramo wa wada nolankara marka qaxitanka nagadaya oo bulsho mel kuwada nol banoqonaye an isbarano ajanibta aniga wxan qaba somali laga dhib badan qaxotigakala ka dhib badan ma aqan ayagana nalakajecelyahay saabbtuna wa muqdan anagu mana muqano mana maqnin dad un iska joga nahay somaliyeyy dadkan wa dad xir xiran wana dadka ina soo dhaweyay sida oo ay tahay dhaqankoda ixtiram halsiyo kenana halsiyo hadi an ka shidalqadanlahayn diintena suuban ayada aya xishod ixtiram intaba inabarilahyd balse mel dhexan iskaga waregayna dintena intbadan kuma dhaqano wayo ayada aya ah xishood hadalka gabana ayadaba kufaraysa marka diin wxan lenahay ah naxariis nastexo nabad xishood ixtiram marka ilahay ha ina wafajiyo 2 qof maba is darenten dhibkoodu hadan noqonlahayn mummin walidka somaliyedna wxan leyahay ilmihiina edabtooda gurigii dinitalo hooyo tukanaysa abe tukanaya joogo ilmo wagansna aya ku barbara ilmah salada halagu bar barsho ilmuhu wadada wlaidku baro ayay qabsadane awaldina sida udhamad umadaha dhibkooda yaygarsin naftodana haligin insha laah soomaliya hanoolato gesina ha udhasho wadani ah insha alah hooyadisna iyo abahisna janadi alaha geyo manta wadani somaliyed lamahaye alow noo keen melkasta wanku silacsnahaya alow noo maciin asc

    U codee: Thumb up 1 Thumb down 0

  17. husni says:

    ani ahaan waxay ila tahay in loo bahanyahay in lakala durko si ay wax ubartaan umadu
    una sahlanto luqada barshdeeda in kastoo ay dadka swedishka ahi ay yihiin kuwo marka laga hadalyo aamusnata u dhashay oo ay keeni karto dadkaaga wax kuu dhaamo majiraan in aad ku fakirto mar walbo waxaa haboon in laka fogaado oo meeel lakala dago si xataa aad u hesho fursad aad kula noolato caruurtaada firaaqo iyo nafis kaligood oo aad kaga baabado mashquul adiga iyo caruurta ah by

    U codee: Thumb up 0 Thumb down 0

  18. Hassan says:

    Salaama calaykum dhamaantiin hadaan fikirkayga ka hadlo waxaan odhan lahaa anigu horta in jaarka la ixtiraamo waxa ina faraysa diinteena suuban.
    laakiin dadkan swedhishka ahi waxa dhaqan u ah bilaa diin iyo qaraabo goyn markaa waxaan kula talin lahaaa bulsha waynta soomaalida inagu wadankan waynu nimi oo way inagu soo dhaweeyeen noloshiina way inaga taageereen hadaba inagu waxba kuma taageeri karno laakiin waxa kaliya ee aan haynaa waxa weeyaan wax ka wada qaalisan waxaasoo dhan oo ah diinta islaamka ee ilaahay inagu manaystay oo ah wax ilaahay loogu mahad naqo hadaba waa inaynu u nasteexayno oo aynu barno diinta islaamka oo aynu ka badbadino naar isla markaana tusno dhaqanka suuban ee islaamaka. In jaarka la ixtiraamana diinteena ayaa ina faraysa markaa waxaan odhan lahaa umada soomaliyeed waar dad islaama ayaynu nahaye sawir qurux badan ha la idinka arko si aan u soo jiidano quluubtooda waayo qofku marka uu dhaqankaaga fiican uu arko wax wuu kaa qaadan karaa laakiin adiga oo katastrof ah waxba cid kama badali kartid.

    Ilaahay ha ina waafajiyo tubta toosan.

    U codee: Thumb up 0 Thumb down 0