Sweden oo aqoonsanaysa wadanka Falastiin

Raysal wasaaraha cusub ee Sweden Stefan Löfven ayaa shalay baarlaamanka Sweden ka hor cadeeyay in dowladiisa ay aqoonsanayso wadanka Falastiin. Sweden ayaa noqonaysa wadamada Yurubta galbeed kii ugu horeeyay ee si rasmi ah u aqoonsada dowladnimada Falastiin, iyadoo maraykanka uu ku tilmaamay ficilika Sweden mid lagu degdegay.

Löfven ayaa sheegay in xalka qilaafka u dhexeeya Falastiin iyo Israel lagu xalin karo labo wadan oo keliya sidaas darteedna ay dowladiisa aqoonsan doonto Falastiin. Madaxweynaha Falastiin Maxamud Abas ayaa sanadkii 2012 horgeeyay qaramada midoobay in dhulka Falastiin loo aqoonsado wadan rasmi ah, iyadoo inta badan wadamada UNka ay aqoonsadeen marka laga reebo kuwa reer galbeedka.

Löfven ayaa dhowr bilood ka hor ay la soo gudboonaatay fadeexad ku saabsan Falastiin, xiligii ay Israel duqaynta ku haysay Gaza isagoo sheegay xiligaas in Israel ay xaq u leedahay in ay isdifaacdo.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

1 Response

  1. MARWAAN says:

    Waaw raysal wasaarahan cusub wuu dadaalay’ viva muslimka

    U codee: Thumb up 2 Thumb down 0