Waa maxay Lucia?

Shalay oo taariikhdu ahayd 13 December ayaa ah maalin ay dadka Swedishka ah u dabaal dagaan waxa loo yaqaan Lucia. Waxaan filayaa in aad aragteen caruur ama dhalinyaro madaxa ku sida shumacyo iyo kuwo gacmaha ku wada oo heesaha. Hadaba su’aashu waxay tahay, waa maxay Lucia?

Sidii aan caadaystay waxaan baaritaan ku sameeyaa ciidaha Swedishka, taariikhdooda iyo faaidooyinka ama dhibaatooyinka ay u leeyihiin bulshadeena. Hadaba haddii aan waxyar idinkaga sheego luciadagen, waxa uu asalkeeda ka soo jeeda maamuska la maamusayo baadariyad Kiristaan ah oo magaceeda la oranjiray St. Lucy oo noolayd sanadkii 304 (ciise ka dib).

Caadada Lucia ayaa soo martay isbadalo badan iyadoo markii hore ay ahayd mid aan sidaas looga qiimeyn jirin Sweden isla markaana aysan ahayn nuuca maanta ay tahay balse ka soo bilaabata sanadkii 1764 ayay bilaabatay caadada Lucia ee gabdhaha dharka cad xiran ee shumacyada sita. Ujeedada ka dambeysa shumacyada ayay aaminsanyihiin in ay tahay sharaf la sharfayo dabka kaasoo ay sheegaan in uu diiday in uu gubo Lucy markii ninkeedu uu sidaas damcay. Sidoo kale waxay u haysteen in habeenka 13 december uu yahay habeenka ugu dheer sanadka taasoo qalad noqotay.

Caadada Lucia ayaa caadi ka noqotay Sweden wixii ka dambeeyay 1927 iyadoo markaas ay magaalada Stockholm u doorteen gabadh in ay noqoto Luciyada magaalada. Maanta ayaa inta badan magaalooyinka Sweden waxay doortaan gabadh in ay noqoto Lucia taasoo madaxa ku qaadeysa shumacyada iyo kooxdeeda. Iskuulada ayaa sidoo kale waxay doortaan Lucia.

Habeenka Lucia ayaa ah habeen ay aad u tuntaan dhalinyarada Sweden qaasatan kuwa dhigta iskuulada iyo jaamacadaha. Si kastaba ha ahaatee caadada Lucia ayaa la dhihi karaa waxay gogol xaar u tahay soo dhaweynta Kirismaska.

Haddii aan ka eegno dhinaceena Muslimiinta iyo Soomaalida ayay iska muuqataa in Lucia ay tahay caado aanan waxba ku darsan karin maadaama ay xiriir la leedahay Kiristaanka isla markaana la sameeyo waxyaabo badan oo fisqi ku ah bulshada.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

5 Responses

  1. Bashiir Macalin says:

    Mr Jimcaale Kun jeer Ayaan Kuu Mahadnaqaa ::

    Kusocota : Waalidiinta Soomaaliyeed :;; Alle ka baqa Ogaadana Alle waa idin waydiinaa waxaad Masuulka ka tihiin , Ilmaha ayaa masuul ka tihiin , Waxaan arkaa Ilmaha Soomaaliyeed , kuwa Dagidka Xanaanada dhigta , oo Lucia la gaynaa , kuwa Fasalada kale dhigta , dugsiga dhex ……War Alle ka baqa , Wallaaaaaaaaaah Watallaaaaaaah Ilmaha Dhulka Gaalada la keenay , ee Macalimiinta Gaalada ah 8:00 loo geeynaa ee 4:00 Galabnimo laga keenaa , Aakhiro waa la is waydiinaa , maxaa yeelay Caqiiqadii Io,lmaha ayay dhuminayaan welibana midkale barayaan.

    War Somalaay TAXADARADA .

    Fikrad lala dhacay Thumb up 15 Thumb down 2

  2. zack says:

    Hidden due to low comment rating. Click here to see.

    Fikrad aan lala dhicin Thumb up 2 Thumb down 14

  3. Assad says:

    Zack adiga ma fiyoowid adiga sida kaa muuqato qofka wax fiican ayuu kuu sheegya hadii ey ku anfacday qaado hadii aad u baahneyna adiga hadalkiisa waxba kaama galin 🙁

    Fikrad lala dhacay Thumb up 12 Thumb down 1

  4. Bashiir Macalin says:

    Walaalkeey Zack , waxay Soomaalidu ku maah maahday ”’ Dheriga Hurka Kulaylkaa ka Keenay ”” walaalkeey waxaan u soo joogay inbadan Xaalada Da’yarteena , waana ku soo dhex jiray in badan , Xaqiiqatana , waxyaabaha aan ka arkay ayaa iga dhawaajiyay , Milicso dhalinteenii halkeey jaanta dhigeen , maka hadlaayo dhawr Masaajidka joogta kuwaa Allaa hanuunshay , balse kuwa aad u badan ayaa la dayacay …………..

    Marka walaalkeeygoow markaan eegay Daminka Ilmaheeni ku dhaceen waan ka naxaa , markaanse Arkay ….. Dammanaanta Ogaansho la’aanta Waalidka ayaan ka Daqnadaa.

    Fikrad lala dhacay Thumb up 7 Thumb down 1

  5. Ragiihore says:

    Bashka sxb jizaakalah, ninkaaan wuu waalanyahay war waxa ninka bashiir ah gubaya maxay yihiin ma isweydiisay? Doqon waliba kuwa lucai kaqeybgalay ayuu u hadal egyahay, ciyaalkiisa maahan, waa caruur somaliyed waxa damiirkiisii iskubadalay bashka adigana abaal gud aaauga dhigtay hadal uusan muteysan kunjeer walal somaliyeed raali ahow bashka

    Fikrad lala dhacay Thumb up 9 Thumb down 1