Waa sanadguurada Somaliska.com

Hal sano ka hor maanta ayay ahayd markii Somaliska.com aan hawada galiyay ka dib markii aan shaqsi ahaanteyda dareemay baahida ay bulshada Soomaaliyeed ee Sweden ku nool u qabaan in ay helaan warbixinada wadankaan oo Af Soomaali ku qoran.

Run ahaantii markii ay ii cadaatay in uusan qof hore u diiwaan gashan magaca Somaliska.com waan la yaabay waayo magac sidaas muhiim ugu ah Soomaalida Sweden in aan hore loo diiwaan gashan waxay ii muujisay hurdada ay ku jiraan dadkeena. Wadankaan maalinkasta wax ayaa nagala qoraa, anaguna kuwa war ka haayo ma nihin. Waxaan noqonay xoolo daaq la siiyay oo aan war ka hayn waxyaabaha agagaarkooda ka dhacaya.

Halkii sano ee aan hawsha Somaliska waday waxaa ii siyaaday aqoon balaaran oo ku saabsan Sweden iyo bulshada Soomaalida. Waxaa ii furmay indhaha oo waxaa ii cadaatay in ay waxkasta macquul yihiin balse loo baahanyahay isku day oo keliya. Somaliska.com markaan furay aqoonta iyo waayo aragnimada aan u leeyahay Sweden aad ayay u yareyd balse waxaa cadaatay in qofku uu u baahanyahay ispirit iyo isku day si uu u guuleysto.

Intii aan hawshaan waday waxaa ila soo xiriiray dad fara badan oo kala joogo daafaha caalamka iyo gudaha Sweden. Su’aalo adag iyo kuwo fudud intaba waa la i soo waydiiyay. Waxaa iigu xanuun badneyn markii aabe afrika ku nool uu ii soo diray email isagoo i waydiiyay “Jimcaale, Sweden ilmahayga iyo xaaskeyga ayaa jooga anigana diidmo ayay i siiyeen. Fadlan igu caawi sidaan ku soo ceshan lahaa” aabahaas dareenkiisu waxa uu muujinayaa dhibaatada haysata waalidiinta Soomaaliyeed. Aniga runtii caruur iyo xaas igama maqna balse waan dareemi karaa xanuunka haysta waalidiinta.

Intii aan ku soo jiray safarka Somaliska.com ee socda waxaan la kulmay dad amaan u soo jeediyay hawsheeyda iyo kuwo dhaliilay intaba. Websiteyada Soomaalida ee waaweyn intooda badan ma siiyaan aqristayaashooda fursad ay ku soo bandhigaan dareenkooda balse Somaliska.com waxaan ugu tala galay taasi in ay noqoto qeyb muhiim ah.

Safarka Somaliska ma dhamaan hada ayuu bilowday. Mustaqbalka qorshayaal badan ayaan leeyahay insha Allah, waxaan rajeynayaa waqti dhow in aan xafiis furo halkaas oo aad nagu soo booqan kartaan ama aad telefoonada nagala soo xiriiri kartaan. Qorshaha labaad ee balaaran ayaa ah in aan ku soo darno qeyb Svenska ah si bulshada aan la noolnahay ay u fahmaan dareenkeena sida uu yahay iyo in aan soo bandhigno wax qabadka Soomaalida iyo guud ahaan bulshada soo galootiga ah. Qaybta cusub ee swedishka ah ayaan u sameynayaa bog gooni ah oo lagu magacaabo nyasvenskar.se – cidii jecel in ay igu caawiso wararka, maqaalada oo svenska ah fadlan ha ila soo xiriirto.

Hadaba waxaan u mahadcelinayaa intii soo booqatay Somaliska.com, intii wararkeena faafisay iyo intii warbixinada noo soo dirtay. Somaliska hada waxaa la soo booqdaa in 50,000 oo jeer bishii iyadoo nagala soo booqdo 290 magaalo oo ku yaal Sweden iyo 88 wadan.

Jimcale

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

20 Responses

  1. umuzakariye says:

    asalaamu caleykum salaan kidib waxaan uhambalyeeynayaa bahda somaliska.com oo maanta eytahay sanadguuradeedi gaar ahaan wiilka fikradiisa ey keentay in ow bulshada wax usoo tabiyo marwalbo oo kafikiray soomalida waxaan leeyahay sidi aan ubartay marki aan furo pcga ayada ayaan ugu hormariyaa waayo waxaa igamaqan caruur waxaana jecelahay inaan lasocdo xaalku meesha uumaray sanad guura wanaagsan dhamaan inta sobooqato iyo inta soo bandhigto

    U codee: Thumb up 0 Thumb down 0

  2. jamila says:

    asc bahda somaliska gar ahan gud ahan umada somaliyed e swdn ku luga xirmay waxan jimcale ugu hambalyeyna howsha weyne umadan rafadsan u uhayo walal wad mahadsantahay boqolkiba laba boqol

    U codee: Thumb up 0 Thumb down 0

  3. Abdulahi says:

    Asc/ sxb bahada somaliska.com iyo akhyaarta sharafte leh ee ku xeran waxaan idiin leyahay hambalyo hambalyo sanad wanaagsan

    U codee: Thumb up 0 Thumb down 0

  4. Haawa says:

    Asc marka hore allah ayaa mahad leh o mar walba kacawiyaya dadalkaga iyo sida u caawisay umada somaliyeed waxan ku leyahay gratulation allah haku la garab galo wax walbo wanaag ah o aad no shegeyso

    U codee: Thumb up 1 Thumb down 0

  5. Jaaliyada Soomaalida ee Bohuslän says:

    Marka hore waxaan Salaamaynaa Dhamaan Bahda Somaliska.com oo ah Rag aad u dadaalay iskuna xiray Soomaalida ku nool Sweden, Hadii ay noqon lahay xaga Warbixinada Bulshada iyo waxyaabaha cusub ee ku soo kordha Wadankan Sweden, Maadaama Soomaalida Badankoodu ay la socon Waxyaanaha ka dhacaaya Wadankan.
    Ka Jaaliyad ahaan Waxaan gudoonsiinaynaa Bilad Dahab ah Madaxa ama Agaasimaha Websidkan somaliska.com Mohamed Jimcaale.
    Waxaan Soomaalida degen Wadanka Sweden ku Booqrinayaa Aan wax wada Qabsano, Aan wada Xiriirno, Aan is dhaafsano Fikradaha, Aan la socono in aan nahay dad wax Qabsan kara.

    U codee: Thumb up 0 Thumb down 0

  6. nasiib says:

    aad ayaan kuugu hambayaynayaa sanadguurada kowaad eesoomaaliska waxaan leeyahay sanadkan kiisa ilaahay haynagu gaarsiiyo ilaahayna haw keeno ubadka iyo waalidiinta kalamaqan insha alaah wixii ilaahay uqoray ee ceesh uga qoran yahay swedan ale haw fududeeyointa aan haysan sharcigana ee ku nool swedan aloow aamiin dhamaanteenba ilaahay cadawga haynaga ilaaliyo asc waadna kumahadsan tahay jimcaale halkaas kasiiwadkoley khyr badan yaan ka helaysaa

    U codee: Thumb up 0 Thumb down 0

  7. saacid says:

    Hambalyo Hambalyo Hambalyo waxaan somaliska iyo akhristayaashoodaba leyahay sannad guuro wanaagsan. Waan hubaa in shaqo adag iyo waqti adag aad u bareertey adigoo caawinaya dadka ugu daciifsan, ugu xaasidsan, ugu aqoonta daran ugu dhoohan ugu miskiinsan ugu jaahilsan hadana adigoo aan wax amaan iyo asxaan ah iyo ganacsibba ka rabin aad goaansatey inaad caawiso. Waxaan alle kaaga rajaynaa inuu kaa abaal mariyo adna dadaalkaaga halkaas ka sii wad hana u bixin doqonta maseyrsan oo shaqadaada kugula coloobey. Mahadsanid jimcaale daryeele.

    U codee: Thumb up 0 Thumb down 0

  8. Hamdi says:

    Mabruuk Somaliska.com!

    U codee: Thumb up 0 Thumb down 0

  9. Gentleman says:

    Asc hambalyo waad dadashen dhamanten. Waxad u qabaten dadkina howl wanagsan.tan kale jimcale waxan ka rabna inad wararka somalida wada xiririsid qurba jogta. AUSTRALIA Waxa kunool somali badan oo webka la socota waxan ka rabna inad howsha balaarisd.kuna dartid dhamam dadka somalida qurba jogta ah,anaga bahda reer sydney waxa nawada somali jecel qabil iyo qurun ma rabna.vivg somala,viva somaliska,congratulation on this special ocassion.

    U codee: Thumb up 0 Thumb down 0

  10. axmed cabdalla afrax soohaad says:

    waxaan tahniyaad iyo hurumar mustaqbaal wanaagsan u diraya milkilaha iyo qorayaasha somaliska .com waxaan leyahay sanaadki aad soo shaqeysen waxaan ka faidnay wax badan o kusabsan arimaha somalida ku nool sweden hadana waxaan idinka sugeyna laba laab howshi aad soqabateen sanadki hore iyo mid ka sareysa in adno qabatin tankale waxi ad qabaten tarikhda aya idin abaal marin doonta wa axmed soohaad norrköping sweden

    U codee: Thumb up 0 Thumb down 0

  11. yusuf abdi says:

    Asc: H A M B A L Y O
    Waxaan halkan uga hambalyeeynayaa dhamaan umadda soomaaliyeed ee ku nool aduunka dacaladiisa gaar ahaan kuwa sweden iyo halyeeyga aan la iloobi karin mr.Jimcaale.Maanta waa maalin taariikhi ah waa maalintii naloo furay webbka somaliska.com kuwa furay iyo kuwa akhristaba waxaan marlabaad idin leeyahay hambalyo.waad mahadsahtihiin: Mvh.Mandella

    U codee: Thumb up 0 Thumb down 0

  12. yusuf abdi says:

    H A M B A L Y O
    Waxaan halkan uga hambalyeeynayaa dhamaan umadda soomaaliyeed ee ku nool aduunka dacaladiisa gaar ahaan kuwa seweden iyo haleeyga aan la iloobi karin Mr.Jimcaale. Maanta waa maalintii naloo furay webbka somaliska.com waxaan marlabaad habalyo u dirayaa Jimcaale iyo dhamaan akhristayaasha somaliska.com qore Mr:Mandella

    U codee: Thumb up 0 Thumb down 0

  13. najma says:

    asc dhamaantina ugu horeynti hambalyo wanaagsan jimcaale iyo asxaabta la wado programka waa ku mahadsan tihiin sida uu wadaan allene ha ingu garab galo allene waxaa kale ka barya ino 4 maj aqbar lagu farxo ka helna waxaan kale jeclaan lahay ina dadaalka la jojiin ile hadi kale wax hagagayo malaho sida uu helno familyadeyna

    U codee: Thumb up 0 Thumb down 0

  14. Dade says:

    A.s.c.waxan leyahay hanbalyo dhaman bahda somaliska.com

    U codee: Thumb up 0 Thumb down 0

  15. Mnuur says:

    Hambalyo! hambalyo! Hambalyo!

    Waxan leeyahay guul iyo hormar joogta ah ayaan u rajeynayaa walaalkeen Jimcaale oo howl aad u wacan hagar la,aan ah soo hayay oo ay ku diirsadeen dad badan oo Soomaaliyeed.

    Halkaada kasii wad walaa!l Jimcaale

    U codee: Thumb up 0 Thumb down 0

  16. uma hani says:

    HAMBALYO HAMBALYO HAMBALYO sanadkan sanadkisa guul iyo farxad ku gara ayaan idin leyahay somaliska.com jimcale iyo asxabta lashaqeysaba inshaa allh ma qasari dontan aduun iyo akhiraba

    U codee: Thumb up 0 Thumb down 0

  17. abdishakur says:

    hanbalyo hanbalyo waxaan u hanbalyeynayaa dhamaan bulshada soomaaliyeed ee wax aqrisa waxaan si gaar ahaaneed ugu hanbalyeynayaa wargayskan ka haqabtiray una sahlay in in ay helan umada somaliyeed warbixin ku qoran afkooda hooyo iyo howsha baaxada aleh ee websiteka somaliska uu qabtay mudadii sanadka aheyd ee uu jiray kaas oo ah in umada somaliyeed ee ku dhaqan wadanka sweden oo ay u sahlanaatay in ay helaan war, . run ahaantii waxaa farxad weyn ah in websitekaani uu daaha ka qaaday warbixino fara badan oo aanaan ka war heyn ama aan naga daadagsaneen macna ahaan waxaana leeyahay mahad sanid jimcaale howl wacan………

    U codee: Thumb up 0 Thumb down 0

  18. abdi hassan says:

    waxaan halkaan uga hambalyeeynayaa web somaliska.com iyo ragii aasaasay oo waxweyn u qabtay bulashada somaliyeed ad iyo ad ayeey u mahadsanyihiin waxaana leeyahay sanadguuro wanaagsan (abdi hassan maow gävle)

    U codee: Thumb up 0 Thumb down 0

  19. Dalmar Haji says:

    Hambalyo iyo Salaan diiran Somaliska waxaan ka mid ah akhristayaalka cusub ee ku soo biirey wargeyskan waxaana aad uga daalacdaa hadba is badalka ku aadan siyaasada wadanka, laanta socdaalka, sharciyda wadanka,dhaqanka iyo arimaha bulshada oo aan arag meel kale oo lagu sheego, horey u wad dadaal weyn ayaad noo heysaa halkaas ka sii wad inshAllah.

    U codee: Thumb up 0 Thumb down 0

  20. M.abass says:

    hambalyo iyo bogaadin weyn ayaan Mudane jimcaale kuu soo gudbinayaa, aad baana ugu faraxsanahay tilaabada weyn ee aad horey u qaaday, waa qeyb bulshada ka maqneyd oo lo baahnaa in aan helno si aan dagaalka umadayada dhinacyada badan ee maldahan uga imaanaya aan iskaga caabino, waxaana rajeynayaa in aad horey u sii wadi doontid oo wax weyn oo baal dahab ah u furo somalida sweden aad ku tilaabsan doontid sanad guuradaan tan xigta

    U codee: Thumb up 1 Thumb down 0