Wareysi: Abdinoor Mohamed iyo Nairobi

Abdinuur Mohamed waxa uu ka midyahay qorayaasha Soomaaliyeed ee caanka ah isla markaana ku firfircoon arimaha isdhexgalka iyo mideynta qoysaska kala maqan. Waxa uu ku nool yahay degmada Braås oo ku dhow magaalada Växjö.

Bishii la soo dhaafay waxa uu ka mid ahaa gudi ka kooban 15 qof oo kala ah 14 Swedish ah iyo 1 Soomaali kuwaasoo kamuunka Växjö ay u direen in ay soo ogaadaan xaalada dadka Soomaalida ah ee ku nool Magaalda Nairobi ee la filayo in ay la midoobaan qoyskooda ku nool gobolka Kronoberg iyo qaasatan magaalada Växjö. Abdinuur ayaa sidoo kale matalayay wargeyska ugu weyn gobolka Småland ee Smålandsposten oo uu wax ku qoro iyo  dhowr urur oo kale sida KulturParken Småland iyo jaaliyada Soomaalida ee gobolkaasi.

Hadaba Abdinoor oo iiga waramay xaalada uu ku soo arkay Nairobi iyo kulan uu la qaatay maamulka Safaarada Sweden ayaa ii sheegay in Soomaalida ku sugan Nairobi ay yihiin kuwo dhibaato weyn haysato, waxa uu sheegay dadku in aysan lahayn xuquuq qaxootinimo oo ay ku noolyihiin cabsi joogto ah isla markaana ay taaganyihiin rajo la’aan. Waxa uu sheegay in dadka ay ka dhamaatay aaminaadii oo aysan xitaa dadka aamineyn marka la yiraahdo Sweden way furtay arimihii mideynta.  Balse waxa uu sheegay in Swedishka ay daacad ka tahay xiligaan oo aysan been sheegeyn-

Kulankii uu la yeeshay safiirka Sweden u fadhiya Nairobi iyo wakiilka u qaabilsan arimaha socdaalka ayuu sheegay in Safiirku uga waramay arimaha diblomaasiyada iyo sida Sweden ay uga qeyb qaadanayso dib u dhiska Soomaalida. Dhinaca Socdaalka ayuu sheegay in safaaradu dib u furmi doonto 18 bishaan aan ku jirno balse ay toos u shaqo bilaabi doonto 1 July. Waxa uu intaas ku daray in safaaradu ay telefoon u furi doonto dadka kaasoo qofku balan ka qabsanayo ka dibna safaarada uu tagayo markii balanta loo qabtay oo keliya. Safaarada ayaa muhiimada siin doonta dadka ku dhow 18 sano iyo caruurta. Dadka caruurta aan lahayn iyo caruurta la soo korsaday ayaan hada la qaabili doonin. Arinta caruurta la soo korsaday ayuu Abdinuur aad qeylo dhaan uga muujiyay maadama caruur laga reebayo caruurtii ay la soo koreen oo aysan jirin meel lagu reebo. Balse waxa uu sheegay in Soomaalidu ku qasbantahay in ay aqbasho go’aanka Sweden ay gaadhay.

Abdinuur ayaa sidoo kale ku celceliyay masuuliyada saaran Soomaalida ku nool Sweden in ay soo dhaweeyaan dadka cusub oo ay fahinsiiyaan wadanka iyo nolosha. Waxa uu ii sheegay in qaasatan dadka xeryaha qaxootiga laga soo qaado aysan helin wax caawimaad ah marka Sweden la keeno oo qaarkood gaajo ku seexdaan iyagoo ay cuntadii farinjiyeerka ugu jirto balse aysan aqoon sida loo isticmaalo.

Waxa kale oo uu sheegay in ay dhalan karto isfahan daro marka ninkii oo xaaskiisa 4 sano ka maqnaa uu yimaado iyadii oo ilbaxday oo kaar banki yeelatay isla markaana doonaysa in uu caruurta la joogo taasina ay keeni karto kala tag reerkii. Arintaas ayuu sheegay in loo baahanyahay in la abuuro isfahan oo ninka cusub la fahansiiyo in xaaladu is badashay, haweenkana la fahansiiyo in aysan xaalad ku furin odoga ay mudada kala maqnaayeen.

Ugu dambeyntii ayaa Abdinuur waxaa la siiyay bilada hawl karnimada ee gudigii loo diray Nairobi isagoo noqday qofkii ugu firfircoonaa ee gudiga si fiican u hagay.

 

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

18 Responses

  1. prince.xaraka says:

    masha allh wu dadli allh kula garab galo

    U codee: Thumb up 1 Thumb down 0

  2. garyaqan says:

    Maa shaa (ALAAH) waa arin mu hiim ah loona baahnaa guul lakiin suaal ilmaha lasoo korsaday iyo xaaska aan waligeed ilmo dhalin sidee laga yelaa mase mid dhaleyo keenso waye jawabteeda

    U codee: Thumb up 0 Thumb down 0

  3. abooto says:

    asc waa mahadsan yahay cabdinuur aniga waxaan ku jiray dadka rajo beelay iswedhan laakiin hada ayaan xaqiiqsaday waxaana joogaa swedhan afarsano ku dhawaad oo ilmaheyga iga maqanyahiin illaah ha isku keen keeno

    U codee: Thumb up 1 Thumb down 0

  4. omar says:

    Asc wallaal jimcaale waxa jirto su aal aan walbo ku waydiiyo oo aadan igu qadarin in aad ii jawaabto hadii xataa aadan war ka hayn in aad ii sheegto anigoo ka mid ah macamiisha ku xeran webka suaashaas oo ah waxad hada carabka ku dhufatey in muhiimadu la sinayo caruurta qaangarka ku dhow kuwa kale ee da doodu ka yar tahey 12 sano jir ayaga sidee loola macamilaya jawaabtaada waa ii muhiim mahadsanid caruurteyda interveiwga waa ay mareen lkn dna ayaan laga qaadin weli sedex bil ayey sii dhaaftey mahadsanid

    U codee: Thumb up 0 Thumb down 0

    • Jimcale says:

      Omar ma xasuusta in aad suaashaas i waydiisay hore balse jawaabteedu waxay ku jirtaa mowduuca haddii aad aqrisatay..safaardu waxay sheegtay in muhiiimada la siinayo caruurta 18 sano ku dhow iyo caruurta kale, marka 12 jir caruurta ayuu ku jiraa.

      Adiga kiiskaaga qaaska ah anigu ma ogi safaaradaha codsiyo badan ayaa soo gaaray marka in ay mashuulsanyihiin ayaa laga yaabaa. Waxaad sameyn kartaa in aad la xiriirto oo aad waydiiso halka arintaadu marayso…anigu warbixinada oo keliya ayaan soo daabacaa.

      U codee: Thumb up 0 Thumb down 0

  5. omar says:

    wad mahadsan tahey bro in badan

    U codee: Thumb up 0 Thumb down 0

  6. abdirashid says:

    ASc waa arin wanagsan hadii safaradu furmayso xiligaas aad sheegtay way nagu taagan tahay xiliga furitaanka safarada oo rasmi ah uu noqonayo,aad baadna u mahadsan tahay, mida kale su,aalaha aad waydiinaysaan jimcaale waxa ka fiicnaan laheed idinkoo waydiiya händlagare kaaaga migrationsverketka aad ku ledahay qof kasta wuu leeyahay isaga ayaana mas,uul ka aha su aalaaha noocas oo kale ah,jimcaale waxba kama ogaan karo kiisaska khaaska ah

    U codee: Thumb up 0 Thumb down 0

  7. madiino says:

    asc adigoo mahadsan jimcaale intarnadka hadii laga xareesto meeqo ayay jawaabta qaadan kartaa ii ga soo jawaab jumcaale adigoo mahad san

    U codee: Thumb up 0 Thumb down 0

  8. FM says:

    Waa warbixin beelo ah runtii mahadsanidiin dhamaantiin Jimcaale iyo wiilka kale ee Soomaaliuyeed labadiinuba.

    U codee: Thumb up 0 Thumb down 0

  9. DEEQ,DARAJO says:

    hay,ada socdaalka ee migrationsverket.ayaa bilaawday dib umideenta qoosaska soomalida ee kala maqan sida uu inoo sheegay madax qeebta qaabilaada soo galootiga eelaanta socdaalka ee magaalada istockholm (MR,HAYAAN ISMAIIL) QOOSAS SOOMALIYEED AYAA HELAY LABADII ISBUUC EE LASOO DHAAFAY OGOLAASHO HAYAAN ISMACIIL OO AH MADAX WAAXDA QAABILAADA QAXOOTIGA EE LAANTA SOCDAALKA YAAA NOOGA WARAMAY HALKA EEY MAREESO DIB UMIDEENTA QOOSASKA SOOMALIYEET……..waan ogahay koleey soomali ayaan nahay dadbaa iweydiin doona meesha aan kakeenay war bixintaan lkn kala socda halkan ,,,,,sverigesradio.se

    U codee: Thumb up 1 Thumb down 0

  10. Saredo1 says:

    Soonoqnoqataye ma nagbaa uda ay

    U codee: Thumb up 1 Thumb down 0

  11. yuusuf says:

    Walaal.waad.madsantahay.sidawanaagsan.ee.aadnuuguwarant

    U codee: Thumb up 0 Thumb down 0

  12. abdir rahman sh. dahir osman says:

    maasha allaah waa arn lagu farxo waana sugeyne wax badan maasha allah allaah sahlo umuu raha

    U codee: Thumb up 0 Thumb down 0

  13. Nastexo says:

    JIMCAALE FADLAN WARKAN IFAHAMSII.Websitke migrationka an kasoo copy gareeyey.

    Ilmahayga soo dalbaday sharciga daganaanshaha si ay u yimaadaan Iswiidhen oo ay ilia noolaadaan, sidee bay ku cadayn karaan aqoonsigooda hadii aysan haysan wax dukuminti ah?
    Caruurta qoonsigooda waa la aqbali karaa hadii shuruudahaan mid ka mid ah la soo buuxiyo:

    Hadii waalidka Iswiidhen dagan haystaan jinsiyada Iswiidhishka ama waaliku horay u cadeeyay jinsiyadiisa lagana aqbalay cadeeyntaas. Shuruuduna waa in caruuta iyo waaliku isla daganaayeen waddankooda ama waddan kale oo sadexaad.
    Waalidka iyo caruurtiisa soo dalbaday sharciga daganaanshaha waa in ay horay u cadeyeen aqoonsigooda/jinsiyadood.

    U codee: Thumb up 0 Thumb down 0

  14. leylo says:

    jimcale walal su,ashan ika jawab fadlan.
    walal nin ayan guursaday anoo sweden jogo carur ayaana uhayaa ninka waxu dagan yahay biljemka. ma iku soo waregi karaa hadi DNA loogu qaado carurtisa.

    mase waxee ileyihin sweden ayad iska dhax aroosten ninkan. mase walekenayaa fadlan ika soo jawab jimcaale

    U codee: Thumb up 0 Thumb down 0

  15. c/laahi maxamud xasan says:

    asc walaal waad mahad santahay walaal waxaa sweden ii joogta xaas wax caruurana iima leh weli o ilaahay igama siin dacwadiina waanu xereyney markaa bal kiiskaa iiga soo waran ma la ogolaanayaa dadkaas noocaas kiiskoodu yahay

    U codee: Thumb up 0 Thumb down 0

  16. c/laahi maxamud xasan says:

    walaal waxaan kaloo jeclahay inaan helo c/nuur emailkiisa iyo telofonkiisa hadii an heli karo waadna mahasan tihiin bahda somaliska meel kastoo aad joogtaan

    U codee: Thumb up 0 Thumb down 0

  17. xaliimo says:

    asc walaal jimcaale waxaan qabaa su aal waxaan haystaa diidmo hore xataa maxkamad mar labaad foom ayaan xareeyey waxaan helay diidmo kadib dacwada waan joojiyey.
    hada markii la furay safaarada kenya waan wacnay balan ayaa nala siisey marka anakoo kale oo horey laba mar foom xareeyey hada ma foom kalaan xareyneynaa mise foomfiiso iyo DNA ayaan sugnaa waan wareernay. dadka qaar ayaa leh internetka kasoo baxso oo maalinta balanta gey, dadna waxay leeyihiin iimeyl ugu dir, dadna waxay leeyihiin maalinta balanta taga oo markaas waxii la idin dhaho arka marka walaal sidegdeg ah arintaan inoo soo ogow.

    U codee: Thumb up 0 Thumb down 0