Suuqa shaqada Sweden waa mid adag oo qaasatan ku adag dadka soo galootiga ah oo weliba aad ugu daran Soomaalida, maadaama ay yartahay cadeymaha aan soo bandhigi karno iyo inteena badan oo heerkeena waxbarasho iska hooseeyo. Hadaba haddii aad fursad u hesho in laguu waco wareysi shaqo - intaas ayaaba guul weyn ah, marka sidee looga bixi karaa? waxaa muhiim ah dhowr arimood in aad ka ogaato nidaamka ay isticmaalaan dadka Swedishka marka ay imaato wareysiga, shaqaduna nuucey rabto ha ahaatee, dakhtar ilaa dhul xaaqe, su'aalo waxaa jira isku mid ah oo ay dadka weydiiyaan. Dadka Swedishka waxay doonayaan in ay adagi ku baaraan, shaqsiyadaada inta aan loo dhaadhicin in aad shaqada qaban karto iyo in kale, sidaa darteed waxaa muhiim ah in aad shaqsiyadaada dhabta ah soo bandhigto, waxaa laga yaabaa in aad isleedahay isi sharax oo is gad balse taasi waxay keeni kartaa in laguu arko qof iska badbadinaya. Waxay dooanayaan in ay ogaadaan wanaagaaga iyo xumaantaada waxaa laga yaaba in ay ku weydiiyaan, inoo sheeg dabeecadaada wanaagsan iyo mida xun? way fududahay in aad suaasha qeybteeda hore aad ka jawaabto balse aad ayay u adagtahay in qofku uu is cambaareeyo oo uu xumaantiisa sheego, waxaaba macquul ah in aadan xasuusan balse way doonayaan oo jawaab ayay rabaan. Markaad ka jawaabto waxay muujineysaa in aad tahay qof daacad ah oo qaangaar ah balse markaad dhahdo wax ceeba ma lihi, waxay kuu arkayaan qof wax qarinaya taasoo wadada u fureyso in waxkasta oo aad sheegto shaki galo. Maadaama aad ajanabi tahay, waxay kale oo ku waydiinayaan qorshahaaga mustaqbalka iyo Sweden, waxaa muhiim ah in aad u cadeyso in aadan meel u socon oo qorshe dheer aad ka leedahay Sweden. Waxay ka cabsi qabaan in aad iska laabato adoo shaqada ku jira, marka waxaa muhiim ah in aad u sheegto in aad Sweden ku noolaanaysid oo halkaan uu gurigaaga yahay. Waxaa kale oo muhiim haddii Swedishkaaga uusan wanaagsaneyn in aad u sheegto in aad haryo habeen barato oo ay muhiimadaada kowaad tahay. Ha dhihin luuqada waan dhameeyay adoon wax badan aqoon, wax la cayriyo been ayaa u orod gaaban. Qododka kale oo muhiimka ah waa dharka, waxaa muhiim ah in aad si wanaagsan u labisato. Sheyga ugu horeeya oo ay eegayaan waa labiskaaga haddii aan taas lagu qancin oo qof wasaqle ah aad tahay, waxaa laga yaabaa irdaha fursada in ay kaa soo xirto. Balse qodobka ugu muhiimsan oo waxa aan kor ku soo qornay oo dhan ka muhiimsan waa waqtiga. Wadankaan waqtiga waa la caabudaa, Soomaalidana waxaa la dhihi karaa waa kuwa ugu liita waqtiga. Hadaba haddii aad wareysi shaqo u socota waxaa 100% muhiim ah in aad waqtiga ku timaado - ama ka soo hormarto. Haddii aad soo daahdo haku tashan in aad shaqada hesho - waxaaba macquul ah in aan lagula hadlin. Ugu dambeyntii ha soo iloobin in aad soo qaadato wixii warqado ah ee cadeynaya shaqadaada. CVgaaga waa muhiim. Waxaa kale oo iska fiican in aad wax ka soo barato shirkada aad u shaqo raadsaneyso, haddii ay website leeyihiin aqriso oo fahan waxa ay qabtaan. Wixii talo iyo waayo aragnimo ku saabsan mowduucan ku darso fikradaada fadlan. Nasiib Wacan!

Wareysiga shaqada & Sweden

Suuqa shaqada Sweden waa mid adag oo qaasatan ku adag dadka soo galootiga ah oo weliba aad ugu daran Soomaalida, maadaama ay yartahay cadeymaha aan soo bandhigi karno iyo inteena badan oo heerkeena waxbarasho iska hooseeyo.

Hadaba haddii aad fursad u hesho in laguu waco wareysi shaqo – intaas ayaaba guul weyn ah, marka sidee looga bixi karaa? waxaa muhiim ah dhowr arimood in aad ka ogaato nidaamka ay isticmaalaan dadka Swedishka marka ay imaato wareysiga, shaqaduna nuucey rabto ha ahaatee, dakhtar ilaa dhul xaaqe, su’aalo waxaa jira isku mid ah oo ay dadka weydiiyaan.

Dadka Swedishka waxay doonayaan in ay adagi ku baaraan, shaqsiyadaada inta aan loo dhaadhicin in aad shaqada qaban karto iyo in kale, sidaa darteed waxaa muhiim ah in aad shaqsiyadaada dhabta ah soo bandhigto, waxaa laga yaabaa in aad isleedahay isi sharax oo is gad balse taasi waxay keeni kartaa in laguu arko qof iska badbadinaya.

Waxay dooanayaan in ay ogaadaan wanaagaaga iyo xumaantaada waxaa laga yaaba in ay ku weydiiyaan, inoo sheeg dabeecadaada wanaagsan iyo mida xun? way fududahay in aad suaasha qeybteeda hore aad ka jawaabto balse aad ayay u adagtahay in qofku uu is cambaareeyo oo uu xumaantiisa sheego, waxaaba macquul ah in aadan xasuusan balse way doonayaan oo jawaab ayay rabaan.

Markaad ka jawaabto waxay muujineysaa in aad tahay qof daacad ah oo qaangaar ah balse markaad dhahdo wax ceeba ma lihi, waxay kuu arkayaan qof wax qarinaya taasoo wadada u fureyso in waxkasta oo aad sheegto shaki galo.

Maadaama aad ajanabi tahay, waxay kale oo ku waydiinayaan qorshahaaga mustaqbalka iyo Sweden, waxaa muhiim ah in aad u cadeyso in aadan meel u socon oo qorshe dheer aad ka leedahay Sweden. Waxay ka cabsi qabaan in aad iska laabato adoo shaqada ku jira, marka waxaa muhiim ah in aad u sheegto in aad Sweden ku noolaanaysid oo halkaan uu gurigaaga yahay. Waxaa kale oo muhiim haddii Swedishkaaga uusan wanaagsaneyn in aad u sheegto in aad haryo habeen barato oo ay muhiimadaada kowaad tahay. Ha dhihin luuqada waan dhameeyay adoon wax badan aqoon, wax la cayriyo been ayaa u orod gaaban.

Qododka kale oo muhiimka ah waa dharka, waxaa muhiim ah in aad si wanaagsan u labisato. Sheyga ugu horeeya oo ay eegayaan waa labiskaaga haddii aan taas lagu qancin oo qof wasaqle ah aad tahay, waxaa laga yaabaa irdaha fursada in ay kaa soo xirto.

Balse qodobka ugu muhiimsan oo waxa aan kor ku soo qornay oo dhan ka muhiimsan waa waqtiga. Wadankaan waqtiga waa la caabudaa, Soomaalidana waxaa la dhihi karaa waa kuwa ugu liita waqtiga. Hadaba haddii aad wareysi shaqo u socota waxaa 100% muhiim ah in aad waqtiga ku timaado – ama ka soo hormarto. Haddii aad soo daahdo haku tashan in aad shaqada hesho – waxaaba macquul ah in aan lagula hadlin.

Ugu dambeyntii ha soo iloobin in aad soo qaadato wixii warqado ah ee cadeynaya shaqadaada. CVgaaga waa muhiim. Waxaa kale oo iska fiican in aad wax ka soo barato shirkada aad u shaqo raadsaneyso, haddii ay website leeyihiin aqriso oo fahan waxa ay qabtaan.

Wixii talo iyo waayo aragnimo ku saabsan mowduucan ku darso fikradaada fadlan.

Nasiib Wacan!

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

12 Responses

  1. Bashiir Cali ( AbuXudayfah ) says:

    Asc: Mid ayaan ku daraa , run ahaantiise aad iyo aad ayuu maqaalkaan u tafaftiranya .

    Waxaa jirta arin Iswidhishka , dhan kooda shaqeeya iyo kooda loo shaqeeyaba wada qirsanyihiin taana waxaa waaye /weeye in qofka shaqo doonka ah marka loogo yeero warasyi ee aw madasha soo xaadiro , qofka mas’uulka meesha ka ah ee waraysiga kaa qaadaa 60 ilbiriqsiga isugu kiin horaysa ayuu ku xukumaa qofka aad tahay iyo waxa aad tahay !

    Waa arin cajiiba , marka ugu horaysa ee aad wada kuluntaan isha halmar ayuu ku marinaa / ku marinee , isagoo eegaa , dharkaaga , qaabkaaga fadhi , qaabkaaga furfurnaan , firfircooni , habkaaga akhlaaq , garaadkaaga , 60 ilbiriqsi ee isugu kiin horaysa ayuu kugu xukumaa kugu ogaanaa .

    Marka si aan la iigu xukumin qof aan loo bogin soo ma haboona , in aan 60 kaa ilbirisi ama guud ahaan fadhigaa aan ka taxadarno , oo aan Farxad , dhoola cadayn , furfurnaan , eegida qofka mas’uulka ah aanan la imaan ?

    Waa muhiim in aad qofka mas’uulkaaga ah eegto marka aw kula hadlaa , dadkase qaarbaa xishooda oo darbiyada , iyo sawirada iska eegta , ama hoos uun fiiriya sidii maxbuuskii , taana waa dhibaato wayn maxaa yeelay isfahmi waa ayaa halkaa ka dhalanaa adiga iyo ninkii shaqada kuugu yeertay !

    Marka waxaa muhiima in la wanaajiyo habka aad u fadhidid , mida kalena oo muhiimka ah waa lebiskaaga aad oo wayn ayuu kaalin kaga qaadanaa , in lagu xukumo , walaalka maqaalka kore qoray ayaana ka dhawaajiyay intaa wixii dheer walaalahaan u daynaa (Wabillahi Tawfiiq )

    Bashiir Cali { AbuXudayfah }

    U codee: Thumb up 1 Thumb down 0

    • Jimcale says:

      Bashiir aad ayaad u mahadsantahay waa arin muhiim oo aqliga gali karta mida aad ka dhawaajisay waana ku mahadsantahay talada qiimaha leh.

      Qaasatan arinta fiirinta qofka wareysiga kaa qaadaya aad ayay muhiim u tahay.

      U codee: Thumb up 0 Thumb down 0

      • Bashiir Cali ( AbuXudayfah ) says:

        Walaal Jimcaale waad mahadsantahay , waase waajib i saarnaa ina saaran . Run ahaantiina aadbaan u danaynaayay in aan maqaalo dhaxal gal ah kuu soo gudbiyo haddii waqtiga ii saamaxo , haddase sahan ayaan ahaa , habka aan arintaa ugu guda geli lahaa gaar ahaan shabakadaan maqaalo ku soo baxa . Run ahaantiina arimaha qoyska , caruurta , da’yarta , iyo guud ahaan is dhexgalka bulshada ayaan aad u daneeyaa , inkastoo aqoon dheeri jirin haddana wixii qalainka in lagu xardho mudan waxaan filaa faa iido ayay leeyihiin .

        Runtiina arinta muhiimada leh kana hadlid mudan ayaa ah ,, war sideen Xaqqa bulshadaan u gudnaa keenana uga dhacsanaa ?
        Sideense halkaan uga muuqanaa , sideen uga dhexmuuqanaa , suuqyada shaqada , dugsiada , iwm.

        Sideen sawirka xun ee bulshado naga haysato isaga bedelnaa iwm , marka arimahaa ayaan islahaa qalinka ku qotomi , balse si aan isku xogwaraysano , habka shabakada arimahaa noogo dhiiragelinaysana aan u helno

        ,, aan iska xariirno meeleeyahayga oo ah bashiircali22@hotmail.se.

        Mahdaanin : kun jeeraad mahadsantahay walaal Jaamac .

        U codee: Thumb up 0 Thumb down 0

        • Jimcale says:

          Waan soo dhaweynayaa maqaaladaada. Insha allah email iigu soo dir wixii maqaal ah ee aad nogu kordhin karto, qaasatan mowduucyada aad ka dhawaajisay waa kuwo muhiim noo ah.

          Somaliska.com waxba kama qorno siyaasada Soomaaliya waayo wax aan qilaaaf ahayn noo siyaadin meyso sidaa darteed waxaan ahmiyada siinayaa arimaha bulshada, Sweden iyo Soomaalida halkaan ku nool. Haddii aad maqaal soo direyso waxaad igala soo xiriiri kartaa qeybta Contact Us. degdegna ma ahan ee waqtigaaga qaado.

          U codee: Thumb up 0 Thumb down 0

  2. Haawa says:

    Asc walahi wa run arinta aana argay wana mid aad iyo aad u muhiimsan horey aya waxa iku shegay gabadh an sxb ahayn waana arimaha ay ikala talisay fiirinta dharka nooc walaba ayey ishegtay wlh aad aya uku faraxsanahay arintan aad so bandhigten waana arin somalideena aad ugu muhiimsan waxaa idin leeyahay jazakumullahu khayr walalayal

    U codee: Thumb up 0 Thumb down 0

  3. dhool says:

    asc aniga maanta baaba iigu horeysay in eey arintaas
    jirto ,taasna waxa kaliftay aniga oo wadanka ku cusub
    marka waxaa mahad u sugnatay allah ,
    kadibna waxaan u mahad calinayaa
    jimcaale ,walal waa shaqa wanag san in aad anag oo guryaheena joogna aad indhaha noo furta .allah ha kaa abaalsiiyo

    U codee: Thumb up 0 Thumb down 0

  4. Hussein says:

    asc walaal jimcaale aad & aad baad u mahadsan tahay qoraalka qiimaha leh ee aad noosoo bandhigtay wax badan oo iga maqnaa ayaaba halkaan ka helay waxaa kaloo muhiim qofka wareysiga kula leh sii waqtigiisa una dhug lahaaw hana noqon mid iska hadla waxaana is wada leenahay nasiib wacan.

    U codee: Thumb up 0 Thumb down 0

  5. hassan says:

    Jimcaale aad ayaad u mahadsantahay. wax badan oo iga maqnay ayaan fahmey hada

    U codee: Thumb up 0 Thumb down 0

  6. C/wali maxamud says:

    Wankusalamay jimcale aad ayad umahad santahay tack så mycket jimcale aniga waxan ad u xiseyaa arimaha bulshada marka waxana fcan in dadka ladhirgaliyo

    U codee: Thumb up 0 Thumb down 0

  7. Maanka says:

    ASC jimcaale aad bad umahadsantahay walal aad bana uxiseya in aan waxkala socdo arimaha bulshada tedakale waxan mooday webka somaliska.com weekend in uu off yahay anan maqalo cusub soqoren balse nasiib wanag anigoo iska soo egayo ku arkay thxx walal jimcale

    U codee: Thumb up 0 Thumb down 0

  8. Aden says:

    jamcaale waa runtaa sxb waa arin loo bahan yahay walaahi dad badan ayaa uriyaaqay kuna farxay waxay ahayd 2 week kahor markaan dhameyay 3 bilood oo CV iyo macluumadka laxiriira shaqada.
    waxaan filayaa labisku waa muhiim iyo body languageka.
    jamcaale waad mahadsantahay walaale ilahay ayaa idinka abaalgudi waxa aad uqabataan somalida inshaa alaah

    U codee: Thumb up 0 Thumb down 0

  9. najmo says:

    asc waxaan salamayaa dhamaan umada somaaliyeed meelkasata ay joogto waxaan ku faraxsanahay in laga hadlo suuqashaqada iswidhishka madaama aan iswiidhan ku noolnahay waa sax shaqada way nugu adagtahay hadaan soo maalinahay in aan iswidhan ka shaqaysano inkastoo dabadan oo shaqaystaan jiraan lakiin waxaan dhihi karaa waxaa nalagu nacay xijaabka wayn hadaan soo mali nahay lakin alaah baa na amray in aan is xijaabno tan labaat luqadana way nagu adagtay oo sifiican uma barano taas ayaa nagu sii adkaynayso

    U codee: Thumb up 0 Thumb down 0