1 Luuliyo Ma Xornimaan u Dabbaal Degnaa Mise Xornimaan Raadinaa?

Assalamu Calaykum: Alle ayay mahadi u idlaatay, naga dhigay duul wax Qora wax Aqriya Waxaan dareensanahay beryahaan ama xilligaan oo kale sanad walba in qaban qaabo xoogan loo galo ,xuska 1 da bisha Luuliyo , afsoomaalina lagu yiraa ( Karan ama Xays xagaay).

Xaflado lacago aad u badan lagu baxsho ayaa lagu dhigaa geyigii Soomaaliya iyo dacalada Dunida meel iyo waa ay Soomaali joogtaba. Waxaa laga joogaa 51 sano xilligiaa loo asteeyay xusida 1 bishaan Luuliyo/Karan.

Qadda iyo qalinka waxaan u soo qaatay , iguna dhaliyay qorida maqaalkaan waa ,dhibaato aan dareemay karina waayay in aan la aamusnaado. Waa hubaal in aqriste aad iga sugi la’da jawaabta cinwaanka maqaalka , waan hubaa in aad iswaydiinee waydiimo badan.

Hase ahaatee aqriste fartaada ii dhiib …fadlan……iina ogolaaw in aan taabsiiyo boogta la taaban waayay ee laga meermeertay danqinteeda. Waa boog aan u soo bareeray in aan danqiyo , xanuunkii la doonaba haka dhashee waxaan xamilli waayay dikaankeeda. Aqriste shaki wayn ayaa iiga jira in aan u badaal degno maalin xornimo…. !
Taa ma ila qabtaa mise…… Waan hubaa in aadan weli ila dhicin aadna ii haysato nin xornimadii ,dalka geliyay mugdi. Hase ahaatee aqristoow fartaada haddaba ii dhiib boogtii dikaankeedu iga degi waayay aan kuu taabsiiyo kuna dareensiiyee.

Xilli hadda laga joogo 20 sano ayaan qaxooti ku ahayn daafaha dunida. Waxaa noqonay shinbiro geed ku degay goor casir liiqii ah , hase ahaatee mid wareen dile ah dhagax soo dhex dhigay. Shinbirahaa maxaad ka filanee , imisa hooyo iyo ilmaheed ayaa kala habaabaa oo midba hortiisa u haadaa ? Imisa ayuu dhagaxaa la soo dhex dhigay dhaawacaa ama qudha jaraa? Imisaase baalahoodii ku waynaa ? Bal qiyaasoo shinbirahaa cawada madoow , balaayada ku soo dhex dhacday , sidey waqti kale nabadsami ugu wada kulmaan. Aqriste waxaan doonayaa in aan ku dareensiiyo in sida shinbirahaa cawada madoow dhagaca lasoo dhex dhigay,in aan la mid nahay. Oo waagii wadankii isla holcay qofba hortiisa u hayaamay.

Laga soo bilaabo waqtigii Dawladii dhexe dhacday ilaa maanta, waxaa dadka soomaaliyeed deris la ah dhibaato walba oo dadku Alle ka magan galaan. Dadka dalkii jooga waxaa la dersay: Colaad, cuduro , dil, dhac , boob , kufsi ,Xasuuq joogto ah ,nabaad guurin bad iyo beriba leh,abaar , macluul JAHLI , daryeel la’aan , hooy la’aan ……..

Dadka Dibida u Qaxay waxaa la dersay : Qaxootinimo , ogoow qaxootinimo waa cudur daran e, tahriib bad iyo dhulba leh , dil dhac , gubid , dhalan rog dhalinyaro. Dhalan rog dhaqan, dhalan rog luuqad/Af, dhalan rog Guur , burbur qoysas , ilhaano iyo sharaf dhac , Tuugsi iyo gacan hoorsi.

Waxaad arkee hooyooyin soomaaliyeed oo ilmahoodii/beerkooda ahaa gaalo ka qaadatay, oo ilin kulul ka qubanee. Aqriste dhacdadaan ila wadaag : Waagii aan yaraa , waxaan ku noolaa miyiga ilaa sagaal jirkaygii , caruurnimo waa cadaw laga koro ,waxaanan hilmaamin falal aan shinbiraha kula kici jirnay waagii aan yarayn.

Waxaan samayn jirnay waxaa jiri jiray shinbiro , dudumaha ilamaha gashta/ku xaraysta ama geedaha. Aniga iyo caruur kale ayaa markaan xoolaha la joogno waxaan aad u xiisayn jirnay in aan shinbiraha ubadkooda soo qufno, maalin aanan hilmaamin ayaa jirta ,oo aan Shinbir/Hooyo ah ilmaheeda ku laynay. waxaan soo qodnay shinbir aan filaa in magaceedu ahaa Garbacad ,god dudumeed ilmo ugu jireen. Markaan qodayno iyada/shinbirtu waxay ku maqanta qaraabkii ubadka oo xasharaad yar yar beey u soo dilee. Afka ayayna ugu soo qaade si ay godka ugu koriso ilaa ay ka korayaan , ilaa inta balaahooda ku duulayaan.

Markii aan ilmihii banaanka gawaanka dudunto kusoo daadinayba, naftii waa ka haaday ileen wax yar yar beey ahaayeene. Waxyar kedib ayaa waxaa isa soo dhigay hooyadii oo afka wax ku sida , musiibase ilmihii waxay iyagoo dhintay daadsanyihiin dhulka. Waan hubaa in maalintaa shinbirtaa , ilin Kulul ka timid hase ahaatee Alle isku abuur iyo isku af nagama dhigin, sidaa awgeed ayaanan u maqli karin ama sideena ilin uga imaanayn waase hubaa in ay ooyday . Waxaana ku gartay inta cabbaar ku dul heehaabtay oo godkii fiirisay ayay iska haaday oo geed agteena ah ku degtay , dhaluulaco: habacsanaana muujisay sidii qof murugaysan oo kale ayay gondaha is gashatay. Alle aayan ka baryaa in uusan Caruurnima waxaan falnay noo qaban waana waxa Alle danbiga saqiirka uga rafciyay. AQristE , shinbirtaa waxaan ku keenay aana doonayay in aan ku dareensiiyo , kawaran xaalka hooyo Soomaaliyeed oo Muslimada aana wada ogna sida ilmaheeda u jecsha ,una ogolayn islaan aan iyada ahayn in ay korisi in Mawt kala geeyo maahan e. Haddaba ka waran hooyada caynkaa/sidaa ah marka ilmaheeda xoog looga qaato iyadana Xabsi caga juglayn aha lagu xiro, ilmaheedana Gaalo la wareegto!!! Aqriste bal xanuunkaa ka waran ?

Haddii aan u soo laabto mawduuca, kuna eegno xaalada dhalinyarada Soomaaliyeed ku suganyihiin. Dhalinyaradii Soomaaliyeed seddex qayb ayay noqdeen, B) Qayb hayaantay oo dalkii ka carartay ,inta aysan gaarin meesha ay doonayeense saxaraha ama baddeey dhaafi waayeen ,imisa boqol waaye/weeye ? Boqol haba dhihine imisa Kun? Waxaa jira kumanaan dhalinyaro oo iyana qoriga dhegta surtay ,Wadankiina ka dagaalamaa ha la jireen xisbigaa doontid , waxaan ula jeedaa aqriste in aadan isku qancin kuwaa ayaa saxan, oo markaan dhalinta xisbiyada la kala safan tilmaao in aadan dhihin kuwaa waa saxan yihiin, balse soo meesha colaadi mataal / ma nabad iyo caano ayaa la cabaa ? Waxaa jira qaar dhaafay , afkase u galay Xabsiyaal , sida Tansania, Zaambia, Kenya, Musambig, imisa gabdho Soomaaliyeed ayaa Suudaanta Cawaanta ah ee Koofur Suudaan Adoono ahaan duurka ugu haystaan? Bal Aqriste ka waran inta dhalinyaro Soomaaliyeed ku baagamoodaysan Nayroobi / Xeryaha Qaxootiga Ifo iyo Dhadhaab iyo Adis Ababa? Gabdhihii Soomaaliyeed waata Amxaaradu iska ilhaamaysanee , wiilkii yac ka dhana madaxa dhagax ku qaadaa ama ku goobanaa/wada dilaa.

Maalin ayaan u soo taagnaa , Adis Ababa inagoo joogna wiil Xabashiya nagu yiri ” Halkaan Ma Muqdishaa Moodeen ? ……Waagaa waan ka carooday haddase in uu naga saxnaa ayaan gartay , maxaa yeelay isagoo Aanadii Axmed Gureey noo qaba ayaan Adis qaxooti ahaan ugu nimid e . Gar ayuuna u lahaa inoo na yiraa sidaa ….
Marka soo ma muuqato inaan cadawgeenii koowaad dabin ugu dhacnay sida muuqata….

T) Qaarkaan Alle waa ka badbaadshay Saxarihii iyo Baddiiba , hase ahaatee waxay u kala baxeen dhawr qaybood , qaar Qurbaha Yurub ama Amerika tegay , nasiib darase ku indha daraandaray dhaqanka quracan ee halkaa ka jira kuna dhaqandoorsoomay ,oo Daroogo iyo Gaangistar hawl ka dhigtay , kedibna Xabsiyada/jeelasha laga buuxshay ,
kuwii Zambia Muzambig lagu xirtay naf ayay raadinayaayeen oo meel ay u baxsadaan ayay baytinayeen. Sida muuqatase dhalinta Yurub iyo Amerika iyagaa is halaagay , Imisaa ku jirta Xabsiyada Londoniyo Minisota .

J) Waxaa jira qaar kale oo iyana aad u Nasiib badan , dhanka kalese dhibaato wayn haysato, waa dhalinyarada debeda wax barasho u aaday ama dalka gudihiisa wax ka bartay . Qaarkood jaamacado ayay ka heleen debeda sida wadamada Malaysia , Suudaan , Shiina , Pakistan , Hindiya ,halkaa ayayna Jaamacado uga soo baxeen ,
nasiib darase wadan ay shahaadadooda ula laabtaan mahaystaan. Dhalinta la filka ah ee wadamada kale ka yimid ee Jaamacada la dhigtaa isla marka ay dhameeyaan Jaamacadda ayaa shirkado wadankooda ka dhisan sii aadanaayaan , dhalintaan Soomaaliyeedse xaalkooda waa ;Cir kaa dheer Ceelna uma qodna ; shahaado qalalan ayay lasoo noqonayaan. Sax waxaad barato waa baaskaa , hase ahaatee kala fiican laba xaal ee aan kor kusoo xusnay.

Hadii aan Dalkii Bad iyo Beriba : dib u milicsano baddii waxaa moodaa berrin xayndho xayndho ka baxday ,oo lo’ abaar laga keenay lagu sii daayay. Oo maraakiib shisheeye ayaa isku cariirinee . Berrigiina Magaalo madaxdii Dadka Soomaaliyeed , ciidan Amisom la yiraa ayaa dhulka la simay . Suuqa Bakaaro oo ahaa Suuqa Dhulwaynaha Soomaaliyeed ugu waynaa isna waa xireen sida Madaafiic ugu wadeen. Aqriste ka hadli maa siyaasada soomaaliya iyo xisbiyadeeda . Xasuuqa shacabkase maahan in qiil looga dhigto qolo heblaa waraf igu soo tuurtay.

Gunaanadka iyo gabagabada , waxaan dadka Soomaaliyeed ugu Baaqaa Lafcad ayaan Toobin ku Haynaa . Xornimo ma jirto ee hadda hala baadi goobo. Ingiriisku 2 Gobol oo waawayn ayuu Kenya iyo Amxaarada naga siiyay , markaa ayuu nagu siray Xornimo laba Gobol. Halkee Xornimo ka jirtaa Labada Gobol ee maqan ayaa nagala siraayay e .
Haddiise aan la dhihi lahaa Xornimo la qaadan maa ilaa 5 Soomaaliyeed wada Xorooobaan. Waqtigay doontaba ha qaadato , xitaa maantaba hasoo gaartee , sidaan wax waa ka roonaan lahaayeen . Adigu in aanan xornimo helin waxaan kuugu cadaynaa hadda Soomaaliya kaa u Taliya ? Wadan la Gumaysto waxaa lagu yaqaan Ciidan xoog ku haysta iyo Siyaasadiida oo debeda laga keeno , haddaba Soomaaliya miyaysan sidaa ahayd?

FIIRO GAARA : waan ka madax banaana wax Siyaasad ah qolana duri maa , in aan boogta afkeeda waada ku hubsado ayaanse doonaa . Halka bogta haddii waada la saaro way bogsootaa… Aqriste ? Ma isleedahay fartaadii waad ku taabatay boogta Dikaamaysay ? Mise isleedahay in aad ila qaybsatay Dikaanka boogtaa ?

Haddii aan dib kuugu celiyo Cinwaanka Maqaalka waxaa uu ahaa
(1 Luuliyo Ma Xornimaan u Dabbaal Degnaa Mise Xornimaan Raadinaa ?)
Aqriste ma u aragtaa in loo Dabaal dego Xornimo Mise Xornimaan Raadinaa ?

Fadlan ra’yigaaga iigu soo hagaaji meeleeyahayga/Emailkayga hoos ku qoran ,
halkaana hoosana ra’yigaaga ka dhiibo.

W.Q : Bashiir Macalin Cali {AbuXudayfah }

Faafi mowduucaan

Akhriso mowduucyo kale oo xiiso leh...

17 Responses

  1. Jimcale says:

    Waa mahadsantahay AbuXudeyfah aniga waxay ila tahay, in aan labadaba sameyno. Waa run xornimadeenii nusqaan weyn ayaa ku dhacday waana waajib in aan dib u soo ceshano sharafteenii iyo xoriyadeenii.

    Waa in aan ka bilownaa halka aan ku noolnahay oo waa in aan Sweden horta marka hore aan soo ceshanaa sharafteena iyo sumcadeena anagoo u marayno dib isu eegid, wada tashi iyo midnimo. Ka dib waa in aan xalkaas u dhoofinaa Soomaaliya.

    Haddii aanan halkaan midnimo iyo guul ku gaarin Soomaaliya xal uma keeni karno.

    U codee: Thumb up 4 Thumb down 0

  2. Massago says:

    ANIGA WAXEY ILA TAAHY SOMALIA INEEYSAN XURNIMO BUUXDO OO LOO DABAL DEGO BIRIGA HESAN BALSE MAALIN UGA MUDAN MANTAY MA,AYJIRTO SIDAAS DARTEED WAXAA MUHIIM AH IN LOO DABAAL DAGO

    U codee: Thumb up 4 Thumb down 0

  3. Bashiir Macalin { Abuxudayfah } says:

    Asc, walaal Jimcaale aado waynaa u mahadsantahay.
    Kun iyo Koow jeer ayaad mahadsanta.

    Run ahaantii , sidaad sheegtay waa ra’yi aad u qiima badan .
    Waxa igu dhaliyay in aan Maqaalkaan dhankaaga/somaliska ayayna ka mid ahayd, maxaa yeelay waxaan u arkay maqaal mudan in aan dhexda dhigano kana wada hadalno.

    Waa sax qolo walba meesha ay Qaxootiga ku tahay haddii ay wax ka noqoto wadankii sahal ayuu ka hagaagaa , aadbaa laba tarafba uga mahadsantahay walaal Jimcaale.

    Walaalaha kale ra’yigooda iyagana waan sugaynaa.

    U codee: Thumb up 2 Thumb down 0

  4. Faa`id says:

    Asc Soomaalidu waa xor Calan iyo dhul la yaqaana waa leedahay laakiin ayda ayaa la rabaa inay wajahdo siday uga bixi lahayd dhibka haysta, markii aanu anagu wax qabsan weyny ayey wxaan kalena iska yimaadeen. thanks.

    U codee: Thumb up 2 Thumb down 0

  5. Beerey says:

    Asc, Bishaar aad ayaad u mahadsantahay maqaal qaali ah qiira baddana nagu beeray ayaad noo soo gudbisay.. Maalin kahor ayaa saaxib aan Facebook-ga ku leyahay waxa uu ii soo gudbiyey,noo soo gudbiyey codsi ah in aan calanka Soomaaliya shaashada qof walbo saarato iyada oo la xusayo malintaan aad ka dhawajisay,, anigase waxan u qoray DAL AAN XUR AHEYN SIDEE XURIYAD LOOGU DABAAL DEGI KARAA!!! warkaas xumaan uma dhihin maalintaan qiimaha lehna kuma liidin waxase iga keenay shucuur iyo dareen iga dhax guuxaayey!!! Warka yaana kugu daalinin e adigaa xiisahiisa sheegaye meeshaas ayaan uga baxay!!!
    Kaliya qof walbo waxan ka codsan lahaa in uu u duceeyo dalkii iyo dadkii uu ilaah ka beeray kuna beeray!!
    WSC…..

    U codee: Thumb up 1 Thumb down 0

  6. Bashiir Macalin { Abuxudayfah } says:

    Ustaad Beereey aadbaa u mahadsantahay , waxaana filaa jaarka aan bogaadinta ka sugaayay ayaa yahay. Aadoo wayn ayaan kaaga mahad celinaa bogaadintaada mahadsanid.

    Waa sax sidaa sheegtay , waxaan maanta dhex mushaaxayay shabkadaha Soomaalida , meel walba 1 Luuliyo/ Karan ayaan lagu xusaa . Murugo unbaa iiga sii siyaaday .
    Dammanaanta dadkeena , iyo Dagnaanta ay daganyihiin . Hadda 2 gobol ee loo Dabaal degaa haddii kuwa maqan xitaa laga soo tago , maxaa laba lagu haayaa ?

    Dadka qaar ayaa dhahaa Somaliland waa wadan Nabadeed , waa sax lama diidana , waa dadaaleen hase ahaatee Adis ayaa looga soo meershaa Siyaasadooda. Taana waa cad kamida Somalia oo Zanawi la hoos geeyay.

    Jar yaysan igala boodin . walaalo reer Somaliland ahna yay daaqad iga arkin balse waxa jira ayaan iftiinshay . Maanta ma jirto Dal Soomaaliyeed oo ka madax Banaan Siyaasad Shisheeye. Meeqa Madax wayne ayaa Wadankii Ka jirta ?

    Alle ayaan Nasri deg dega waydiisanaynaa , A

    U codee: Thumb up 1 Thumb down 0

  7. Bashiir Macalin { Abuxudayfah } says:

    Ustaad Beereey aadbaa u mahadsantahay , waxaana filaa jaarka aan bogaadinta ka sugaayay ayaa yahay. Aadoo wayn ayaan kaaga mahad celinaa bogaadintaada mahadsanid.

    Waa sax sidaa sheegtay , waxaan maanta dhex mushaaxayay shabkadaha Soomaalida , meel walba 1 Luuliyo/ Karan ayaan lagu xusaa . Murugo unbaa iiga sii siyaaday .

    Maxaa yeelay dadkeena , waa hurdaan.Mana aqaan goorta ay baraarugayaan.

    Qolo walbase meesha ay joogto haka muuqato markaa ayaa la is wada gaari karaaye.

    U codee: Thumb up 0 Thumb down 0

  8. M Ali Xasan says:

    Waa su aal da’wayno madaxa daalineysee.

    Runtii waxaan dhihi karaa waa ay isku jirtaa labada waayo maalintii aan xornimada qaadanay iyo maanta oo aan labo arimood u fadhino dabaal dal iyo xornima doon.
    gumeysigii tooska ahaa ayaa xornimadiisii ka dabaal dagaynaa waxaana ka wada hadleynaa sidii aan gumeysiga dadbana oga xoroobi lahayd
    mahadsanidiin

    U codee: Thumb up 1 Thumb down 0

  9. Ahmed says:

    Asc wllkay xudayfi wad madsantahy anigu waxan qaba wadankena mesha ukadagi wayey wa dhehdena dalkuna waxu u bahanyahy dib uheshiin buuxda waxaa kaloo an ay talo ilatahy in muqdisho laga warejiyo casimada somali si kumel gar ah wayo somalia badana wa nabad waxay u xanimantahy wa muqdisho kaliyah tankale wllo waxaynu iska dhadhicinay somalia wa lahaystaa lkn somalia wa xor dadkeda heshin wayey dadka qorbaha joga wadankodu macankisa way ogyihin lkn kowa gudaha waxba ma oga waxay ku jiran mugdi ,tankale waxan shaki kujirin hadi ay muqdisho nabad hesho somaliland iyago ordaya ayey imanayan wayo wa wadaniyin lahobo dibna lomidobi dono insha alah wadna mahadsantihiin bah somaliska dhaman

    U codee: Thumb up 1 Thumb down 0

  10. Bashiir Macalin { Abuxudayfah } says:

    Ahmed aadbaa ugu mahadsantahay , ra’yigaaga qaaliga ah , waxaa kale oo kaaga mahad celinaa waqtigaaga qaaliga ah in aad u hurtay Maqaalkaan.

    Dhammaan aqristayaasha maqaalkaan waqtigooda u huray aadbaan uga mahad naqaa.

    Bahda Somaliskana , Jimcaale waad mahadsantihiin.

    Maqaalo kalaan isku arki doonaa Insha’Allah

    U codee: Thumb up 1 Thumb down 0

  11. Baashi says:

    Asc, salaan ka dib. Waxaanu nahay dad iyo dal xur ah oo jiro lana garanayo. Cidna ma galin karto su,aal iyo shaki in aanu nahay xur iyo in kale. Waa sax in aanu nahay dal ka so kabsanayo dagaal sokeeyo oo aanu laheen dowlad dhaxe oo xoog leh, balse sidaas ee tahay waxaanu nahay dad iyo dal jira oo leh dhul, calan, lacag, 1 luqad iyo 1 diin. Dadka aaminsan fikir midkaan ka duwan waxaan leyahay hadi ee shaki ka galay in aad ledahay dal iyo calan hade marki hore ayaa somalinimadu kugu yareed. Intaan hadal micno daro ah la istagi lahedeen hade ku ciil baxa qalinka oo wax barta si marka hore aad naftaad iyo dadkaag iyo dalkaag u anfacdo.

    U codee: Thumb up 0 Thumb down 0

  12. ahmed says:

    asc dhamaan waxaa waaye malin qaali ah 1 juuli waayo maalintii calanta qadeen konfurta somalia
    dad badan baan aqoon maalinta laakiin waa maalin qaali dadbadan waxay yaqanaan inay tahay maalintii somalia oo dhan calanka qadeen maya maya waa konfurta somalia oo keli ah
    somaliland waxay qaday calanka 26 juuli1960- halakay somalia qaday 1juuli1960-

    U codee: Thumb up 0 Thumb down 0

  13. Hani says:

    Anu waban la yaaba somalida calan jaceel beey la waregayan aan qalbiga ka jirin ma iyagaba wali gumeysi ka baxay waa dad aad mooda indhaha wax lagu arko iney la yihin maba arkaan dhibaatada hada taagan

    U codee: Thumb up 0 Thumb down 1

  14. ahmed says:

    adigu waxaan odhanlaha dalka ha loo dhiibo gumaysi cusub waayo dad dalka jaceyel way dhamadeen . waayo dalku wuxuu ubanyahay wadan ilaaliya bad iyo beeriba waxkasda waa lagu shubayaa bada somalia

    U codee: Thumb up 0 Thumb down 0

  15. luul says:

    asc
    mowduucan waa mid loo baahnaa wakhti hore in la bilaabo waana mid wax noo taraya inti dareen wadaniyad ku jirto oo caqligooda saliimka ah shaqeynayo aad ayaan uga mahad celinaya qofka soo diyaariyey oo wakhti iyo juhdi aad u badan geliyey intaas kadib markaan ra yigeyga ka dhiibto waa in labadaba loo halgamo maxaa yeelay hadaa tiraahid gumeysi intu i heysto ma xusikaro taariikhda soo jireenka ah waa dhib oo waxa dhici karta in layska ilaawo tankale waa in dadka ku hadla qabiilka oo fadhi ku diriirka haya ee dadka isku sii dira waa in lagu qoslaa meelkasata oo ey joogaan inta wax fahmeyso waa in magac midnimo lagu hadaaqo oo wax ma garatada loo macaaneeyo midnimada warxumetashiil ayuu dhihi liray siyaad barre waa in la helaa garuubyo madaaleyaal ah sidii SYL oo meelwalba gacanta geliya oo dhibwalba u dulqaata oo daacad ah berina buuga baal dahaba ka gala oo aan qabiil ku dhisneyn sooma koobi karo lkin nimanka hada talada haaya oo kale looma baahna

    U codee: Thumb up 0 Thumb down 0

  16. ahmed says:

    asc luul adiga waanu ku banahay ee meelga helo ama hotmail.com
    waad bahsantahay

    U codee: Thumb up 0 Thumb down 0

  17. Ali says:

    asalamacalaymkum dhammaantii waxaan filayaa qofka soo qoray maqaalkaan in da,diisa ay yartahay oo uu dhashay wixii ka dambayye 1991 ama uu garaadsafday xilliyadii dagaalkii sokeeye lakiin an ku xasuusuyo soomaaliya waa xor weyna ahaan doontaa laakiin dhibaatada aad daraymayso waxaa kenay dakalkii sokeyo oo ay horsed ka ahayeen dad maan gaab ah oo shaydaan u waxyooday qalbiogoodan uu qabiil buuxiyey. waxaanse ku faraxsanahy maanta rajo ayaa muuqato gumaysiga dadka qaarkii aaminsanyihiin in dalkeenu ku jiro waa dad aan waxbadan kala socon sida xaalka soomaliya maanta yahay, waxaanse dadka sidaa aaminsan waydiin lahaa ma-lasocotaan meesha ay soomaliya taagnayd 2004 iyo meesha ay maanta taagantahay, haddiise aan kuu qeexo xilligaas waxaa soomaliya u talinayey wax kaban 150 hoggaamiye kooxeed laakiin maanta afar kama badna, wadamada afrikaanka ee dalkeena jooga sharci bay ku joogaan annaga ayeey nagu xirantahay inay joogaan iyo in ay tagaan waxayna sugaayaan inta shabaab lacaribtirayo waayo wadamadooda ayeey ka difaacanyaan argagixisadaas qatarta badan. ugu dambayntii dalkeennu waa xur gumaysi kuma jiro laakiin hoggaankii iyo dawladdi uu u baahna wali ma-uusan helin laakinnwaan rajaynayaa in ay imaan doonto maraan dheerayn

    mahadsanidiin

    U codee: Thumb up 0 Thumb down 0