Qaxooti doon ku soo galay Sweden iyo tareenada oo aqoonsi dadka waydiin doona

Iyadoo dowlada Sweden ay hada si degdeg ah u dhaqan-galinayso sharci ku qasbanaya shirkadaha gaadiidka dadweynaha sida tareenada, doomaha iyo basaska in ay dhamaan rakaabka waydiiyaan aqoonsi ayaa waxaa wadanka markii ugu horeysay taariikhda Sweden doon yar ku soo galay qaxooti.

Qaxootigaan ayaa la sheegay in ay ka soo degeen xeebta Skillinge ee gobolka Skåne, iyadoo aan la cadeyn halka ay ka soo safreen. Ka dib markii ay Sweden bilowday adkaynta xuduuda kala dhaxaysa Denmark ayay ku adkaatay qaxootiga in ay wadanka soo galaan, dadkaan doonta soo raacay ayaa noqonaya kuwii ugu horeeyay ee sidaa sameeya. Waxaa la tuhunsanyahay in dadkaan lagu soo qaaday markab oo xeebaha agagaarkooda lagu dajiyay, iyagoo markaas soo raacay doon yar oo aan awoodin in ay badda Baltica ka soo gudubto.

Dhinaca kale, dowlada ayaa shaacisay in ay dhaqan-galin doonto shuruuda in aqoonsi la waydiiyo cidkasta oo raacaysa gaadiidka dadweynaha ee Sweden ka soo gala wadamada dariska ah. Wasiirka Socdaalka ayaa sheegay in sharcigaan la dhaqan-galin doono ka hor ciida Kirismaska ee ku beegan December 25.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

2 Responses

  1. umu faatima says:

    subxaanlaah ilaahay muslinka haka dulqaado dhibaty badaa modaw u so fuulen

    Fikrad lala dhacay Thumb up 5 Thumb down 0

  2. Haboon says:

    .

    U codee: Thumb up 0 Thumb down 0