Safarkaygii Somalia Q.2-aad: Waa sidee xaalada nolosha Muqdisho?

Bishii la soo dhaafay waxaan booqasho qaas ah ku tagay magaalada Muqdisho iyo gobolada dhexe ee bakaarahaSomalia. Safarkayga ayaa ahaa mid booqasho familka ah balse waxaan sidoo kale u guur galay xaalada wadanka qaasatan magaalada caasimada ah ee Muqdisho, halkaasoo aan waqtigayga inta badan ku qaatay.

Hadaba halkaan waxaan idinkugu soo gudbinayaa warbixin kooban oo ku saabsan sidii aan u arkay xaalada wadanka iyo aragtidayda ku aadan dhinaca nolosha, waxbarashada iyo ganacsiga. Qeybtii hore waxaan kaga hadlay xaalada amaanka ee Muqdisho. Halkaan ka akhriso Qeybtii 1-aad.

NOLOSHA, GANACSIGA IYO WAXBARASHADA

Xaalada nolosha ee shacabka ku nool magaalada Muqdisho ayaa lagu tilmaami karaa mid dhowr dabaqad u qeybsan isla markaana ay jirto xaalad wada mideysa dadka oo dhan. Guud ahaan nolosha dadka ku nool Muqdisho ayaa iila muuqatay mid aad u soo hagaagtay marka loo barbar dhigo sanadihii la soo dhaafay. Dadka ayaa u muuqday kuwo ku qanacsan isla markaana  la qabsaday noloshooda.

Balse markii aad si dhab ah ugu fiirsato xaalada dadka ayaad dareemi kartaa sida dagaaladu u saameeyeen shacabka. Dadka ayaa noqday kuwo buuq badani ku furanyahay iyo xaalado caafimaad oo kale. Shacabka ayaa saamaynta colaadu waxay keentay in ay ilaabaan qataraha yaryar sida in aysan ka leexan baabuurta iwm.

Marka laga soo tago xaalada guud ee shacabka ayaa qeybaha kala duwan ee bulshadu waxay ku kala noolyihiin heerar kala sareeya, dadka barakacayaasha ah ayaa dhex daadsan magaalada, halka dadka qurbaha ka soo laabtay ay ku noolyihiin hoteelo qaali ah. Dabaqada dhexe ayaa ah kuwo inta badan ku xiran biilka looga soo diro qurbaha iyo kuwo shaqaysta.  Colaada iyo Musuqmaasuqa ka jira magaalada ayaa keenay in heerka nolosha ee shacabku uu aad u kala sareeyo.

Dhinaca shaqada ayaa waxaa aad ii dhiiri galiyay hamiga iyo dadaalka ku jira dadka ku nool Muqdisho. Iyadoo Soomaalida Sweden ku nool lagu xanto in ay ma shaqaystayaal yihiin ayaa markaad tagto magaalada Muqdisho waxaad dareemeysaa in Soomaalidu ay yihiin dad u dhashay firfircoonida iyo shaqada. Dadka magaalada Muqdisho ayaa ah kuwo marka ay salaada subax tukadaan u dareera sidii ay nolol maalmeedkooda u soo dhacsan lahaayeen.

Shaqooyinka nuuc kasta ayaa la qabtaa, iyadoo dhaqdhaqaaqa ganacsiga ee ka jira Muqdisho uu yahay mid aan aada ula dhacay. Heerka nolosha ayaa aad u qaali noqday iyadoo qiimaha sheykasta uu kacay ilaa 5 jibaar ama ka badan. Dollarka  maraykanka  ayaa noqday lacagta wax lagu kala iibsado. Fursadaha ganacsiga ee ka jira Muqdisho ayaa ah kuwo u baahan in fiiro gaar ah ay u yeeshaan dadka qurbaha ku nool ee fikradaha iyo lacagta haysta. Dadka hada ku laabtay Muqdisho ayaa qaar badan waxay ka abuureen ganacsiyo casri ah oo magaalada ku soo kordhiyay waxyaabo cusub isla markaana ka sameeyay lacag fiican. Si kastaba ha ahaatee, waxaan dareemay in wali magaalada ay ka maqantahay waxyaabaha tayada leh, iyadoo dadku ay waxyaabaha raqiiska ah ka dooranayaan wixii tayo leh.

Arinta kale ee aadka horumarka looga sameeyay ayaa ah dhinaca isgaarsiinta qaasatan telefoonada oo horeyba Somalia ay ahayd wadamada Africa kuwo ugu horeeya. Adeegyada moobeelka lacagta lagu shubto ayaa aad wax uga badalay qaabka ay dadku wax u kala iibsadaan. Adeegyada EVC, Zaad, Emaal iyo kuwo la midka ah oo moobeelkaaga aad lacagta ku qaadanayso ayaan aad ula dhacay kuwaasoo xitaa ka hormarsan adeegyada lacagta moobeelka lagu qaato ee ka jira Sweden. Balse adeega Internetka ayaa ahaa mid aad u liita, iyadoo magaalada uusan ka jirin internet fiican oo laysku halayn karo.

Ugu dambeyntii, dhinaca waxbarashada ayaa saameynta ugu weyn ku yeeshay dadka ku nool  Muqdisho. Ardada u dareerta iskuulada iyo jaamacadaha ayaa ah kuwo aan marnaba u joogsan colaadii jirtay. Magaalada Muqdisho ayaa laga furay jaamacado farabadan kuwaasoo qaarkood ay heleen aqoonsiyo caalami ah. Dhalinyarada iyo dadka waaweyn ayaa aad u fahmay qiimaha ay leedahay waxbarashadu. Dhalinyaradii horey ugu fikiri jiray in ay dibada aadaan ayaa hada waxay ku haminayaan in ay ka baxaan jaamacadaha wadanka isla markaana ay shaqo ka helaan wadanka gudahiisa. Balse qarashka jaamacadaha iyo iskuulada ayaa ah mid aysan awoodi karin qoyskasta taasoo caqabad ku ah caruur iyo dhalinyaro badan oo fursadaan ka faa’ideysan lahaa.

Hadaba maxaa la gudboon dadka ku nool qurbaha? Aniga fikirkayga waxa uu yahay in horumarka nabada iyo nolosha ee ka soo iftiimaya magaalada Muqdisho oo xudun u ah guud ahaan Somalia ay yihiin kuwo u baahan in fiiro gaar ah loo yeesho. Dadka ku nool qurbaha qaasatan kuwo aan sharciyada ku lahayn ayaan ku dhiiri galinayaa in ay isku diyaariyaan sidii ay dib ugu laaban lahaayeen maadaama haddii aadan sharci lahayn uusan mustaqbal kuu oolin Yurub. Kuwo sharciga leh ayaan u soo jeedinayaa in ay waxbartaan maadaama wadankii u baahanyahay dad soo bartay waxbarasho iyo xirfado tayo leh oo kor u qaadi kara xaalada wadanka.

Faafi mowduucaan

Jimcale

Asc ku soo dhawaada Somaliska.com. Waxaan rajaynayaa in aad ka faa'idaysateen mowduucaan isla markaana aad fikrado qiimo leh ku darsan doontaan. Xumaan, qabyaalad, aflagaado iyo arimaha siyaasada Somaliya waa ka manuuc halkaan. Fadlan aan iscaawino oo su'aalaha qofkii jawabaha haya dadka ha u faa'ideeyo. MAHADSANIDIIN!

Akhriso mowduucyo kale oo xiiso leh...

14 Responses

  1. abdiqqadir says:

    sawiro aan kasogeynay aaway muqdsiho aan araknee

    U codee: Thumb up 3 Thumb down 3

  2. ismacil says:

    Hidden due to low comment rating. Click here to see.

    Fikrad aan lala dhicin Thumb up 2 Thumb down 9

  3. Yaan leyga Xumaanin says:

    ASC DHAMAAN WALAALAHA MUSLIMIINTA MEEL WALBO ADUUNKA AAD KA JOOGTAAN .

    KU: QORAAGA WARBIXINTA SOO QORAY.

    SXB MARKA HORE AAD IYO AAD BAAN UGA XUMAHAY IN ADIGOO SHEEGANAYAA DHAMAAN MAGACA UMADA SOOMAALIYEED HADANA AAD KU SOO QORTO WEBSITE KAAGA …”…Shacabka ayaa saamaynta colaadu waxay keentay in ay ilaabaan qataraha yaryar sida in aysan ka leexan baabuurta iwm”’

    WAR HEE DHEH KAALEY MA ILOWDAY IN WAXAAD SOO QOREYSO CIYAALKA YAR YAR EE WADANKAN KU DHASHAY AMA QURBAHA KU DHASHAY AY AQRISANAYAAN MA IS WEYDIISAY WAXA AY KA AAMINAYAAAN DALKOODA IYO DAD KOODA..

    MA ISTIRI WAAYEEL KA MEESHAAN QABOW GA IYO CIDLADA DARUUFTA KU HEYSA WAA LOO AQRINAYAA WAR BIXINTA AAD SOO QOREYSO AMA ISAGA AYAABA AQRISANAYA HADUU AWOODO MAXAAD UMMADA WAXAASOO BEEN IYO HADAL BUUXIS AH AAD UGU SHEEGEYSAA… ILEEN WAAAN KAWADA NIMID MUQDISHO WAANA LA SOCONAA ……WALAAHI WAXAAN MARQAATI U SOO AHAA DAMEER KM4 ANAGOO TAAGAN OO DAGAAL UU SOCDAY ISKUUL BAAN KA SOO BAXAY , WADA DUNA NAGU GO’AY IN DAMEERKA XITAA UU SAFKA NALA SO GALAY ISAGOO KA GAMBANAYA ..WAXA DHACAYAA.. MARKAAASAAT UMMADA WAXAAD U SOO QOREYSAA DADKA KAMA LEEXANAYAA XITAA BAABUURTA IYO W.L.M.

    MISANA HADAL KAAGA AYAA IS BURINAYO WAXAAD DAD KA KU LEEDAHAY WADANKA U SOO NOQDA OO WAXAA KA IFTIIMAY GANACSI………………..

    MASAAKIINTA KALE EE AAN SHARCIGA LAHEEEN WALAALAHAAGA NIYADA HAKA DILIN .. EE U NASEEXEEY.

    ADEER HADII AAAN KUU SOO KOOBO HADAL KAAGA OOO IDIL MARKAAN U FIIRSADAY WAXAAD TAHAY NIN HAMI GANACSI KU JIRA LKN AANAN NAFTIISA KU KALSOONEEN , BALSE JECEL INUU DADKA KALE KU TIJAABIYO ….. WEENA KAA HALOWDAY.

    HADAL KEYGA WAAN SOOO KOOBAYAA WAXAAN DHOWRAYAA WALAALAHEEGA .. WAAN I DIN BARYA-YAA HADII AAD QOF AMA UMAD LA TALINEYSAA SIDA DIINTA QABTO UGU NASEEXEEYA.

    WAAN KHALDAMI KARAA HADDII KHALDAMAY HA LEYGA RAALI NOQDO.

    U codee: Thumb up 4 Thumb down 1

  4. mohamud says:

    fikirka ah reer sweden ma shaqeeystaan waa been abuur waayoo sweden ayadaanba shaqo laheen marka somalida waxeey ku maahmaahdaa meel sideey utaalaa loola yaalaa marka wadan aan shaqo laheen markaa joogto adne shaqo la aan ayaa noqonaaysaa .

    U codee: Thumb up 2 Thumb down 0

  5. Ali says:

    Aaaway sawiradii la sugayey hadad run ka shegeyso dhinaca ganacsiga

    U codee: Thumb up 0 Thumb down 0

  6. najax says:

    jimcaale runta ayuu kahadlay.ma somalia aya babburta laga
    lexda.dadka kamaba lexdan baburka. ee qofka derawalka ayaba
    baqa oo kalexda.

    U codee: Thumb up 0 Thumb down 3

  7. najax says:

    somalia dhibka haysta waxa weye dadkeeda wadani maahan.
    haybad waxad ku leedahay dhulkaaga hoyo.
    warhooy ogaada.
    somalia 22 sano
    dagaalka kasocda hadana waxay ka hormarsan tahay wadamo badan oo somalida lagu dilaayo lagu raafayo.
    war somalia maanta hadad dhimato taada uun aya dhamatay ee cid qori kuu wadata maleh.puntland somaliland muqdisho
    kulli waa nabad
    waxadan aqoonin intay ku dili lahayen waxa taqan oo meel loo raaca leh haku dillen.

    Fikrad lala dhacay Thumb up 5 Thumb down 0

  8. Omar says:

    War xumaanta wanaag maahinee, waanadiid looma walwaale wacad maloola galee, wareerkiis nin bataa waabtiris loogu wacaa, waxtarkiis kii layasee, wasqaan waa la dhahaaye wejiga yaa kadedaa weynow waaxidow wadankeen noo samee, nin walbow wadankaa wax kuu dhaama maleh,illaahow wadankeena noo hagaaji barafkan maalin kasta -10ka ahna hanagu dilin Aamin.
    Wehelkiis katagaa wareer galee, ruuxii waabtiisa ka weecdo welwel asaa ku jire wixi oo gashida wadana waa wadankaa isweydiis malahee weyna waaxidow wadankeen noo samee nin walbow wadankaa wax kuu dhaama maleh

    U codee: Thumb up 4 Thumb down 0

  9. ali says:

    war maraxan benta badan oo wadankisa caynayo adiga yurub miyad ku dhalatay oo mase adiga leh markad dhaheyso dadka sharciga lahen ha labtan inta u duceyn lahed walalaha oo dhibadada ad ka so carartay ka yimid teyda kale ciyalka yurub ku koray iska dhigeysa markad dhaheyso baburta iskama ilaliyan dadka xowlo been badan tahay

    U codee: Thumb up 1 Thumb down 0

  10. hanna nalka says:

    asc dhaamntin wadankena Hada wanabad waxa udhiman ayaba ah waxyar Insha allh inta dhimana wa nohagageysa wadan walbana dadkisa aya dhiso ee maha in wadanka lacayo oo dadka loxumeyo ee waxa ow ubahan yahay wadanka wa dadkisa qofki dida ama yelane wa meshi owkudhashy kamana marmo ee daka qurba jogta ah wadanka wax usoo barta waxas cebna maha ee dhalinyaradi mustaqablka wadanka u aha aya tihin ee qofki awodana ganacsi haka samesto qofka awodina wax hirfado wadanka aad wax ugu qaban kartan usibarta ayan qaba Ani raligeyga ok asc

    U codee: Thumb up 1 Thumb down 0

  11. Avv Roble Cadde (Uganda) says:

    Assalamu caleykum.
    Salaan ka dib waxaan Tallo ayaan Ku biirinaaa maamulka webka iyo aqristayaasha.

    1- hadii aad fikrad ka dhiibaneysid mooduuca lagu daabay webka fadlan ha ku mashquulin Jimcaale ee aragtidaada ka dhiibo mowduuca, hana ku xad-gudbin ruuxa qormada qoray, Jimcaale waxuu soo qaray xaaladda saxda ah ee ka jirto Samaliya siiba xamar anigune marqaati ayaan uga ahay, markasta waan tagaa xamar, hargeysa, garawe, 3 bilood 4 jeer ayaan u safraa somaliya waxaana iigu dambeysay 20-01-2013 isla bisha 2 aad waan u socdaa insha allah.

    2- Jimcaale iyo maamulka kale ee webka waxaan u soo jeedinaa in ay aqriyaan fikradaha ka hor inta uusan shaashada soo fuulin oo ay sameeyaan faafreeb waayo walah aad ayey ii dhibtaaa markaan arko aflagaado ku daabacan webka waayo si joogta ah ayaan ugu xiranahay.

    yours’ faithfully

    U codee: Thumb up 3 Thumb down 2

    • miyaad xanuunsan tahay says:

      MID ADOO KALE AH WAAN ARAGNEY WAA KUWA WADANKA KA DAGI LA’YAHAY KAALEY ISAGA MIYAAD AF HAYEEN UTAHAY .

      ISAGA AYAABA KU QANACSAN IN MARKUU KHALDAMO LA SAXO AMA KHALADKIISA LOO SHEEGO , WAR DHAMAAN TEENA WAAAN WADA KHALDANAA. WAXAAN NAHAY BANI ‘AAADAM.

      LAAKIIN WAXAAAN AAD IYO AAD ULA YAABANAAY SIDA AAD DULMIGA IYO XUMAANTA U TAAGEEREYSO AMA AAD ISKULA SAXAN TAHAY …

      MID KALE NA OGOW NINKAN AAD KU WAALATAY AMA AAD XAYEY SIINEYSO DHAMAAN TEENA WAAN WADA JECEL NAHAY WAAYO HADII AYNAAN JECLAAN LAHEEN , MARKAAN WAX XUN UU SOO QORO , KAMA AANAN QABANEEN XUMAAAN TIISA KHALADKIISANA UMA AANAN SHEEG NEEN OGOW , QOF KU JECEL AMA WANAAGAAGA JECEL AYAA WAX KUU SHEEGAA,

      HADII AAN AF LAGAAD LA DAMAC SANAAN LAHEEEN WUXUUU LEEYAAY MEELO KALE OO KA BADAN OO SI QAAS A LAGU AF LAGAA DEEN KARO LKN . HALKANI WAA MEEL UU BULSHADA U FUREY ISAGANA MAGAC IYO MAAMUUS UU KU DOO NAYO.

      SISAAS DARAADEEDA AYAA MARKUU WAX SOO QORO HADI WAX NALA FIICAN AAN U ARAGNO U TAAGEERNAA UGUNA DUCEYNAA , HADAAN KHALAD U ARAGNA-NA . GACANTA KHABANAA.

      SAFARKAAGA IYO DALXIISKAAGANA ALLAHA KUU BARAKEEYO LKN ILA MA FIICNA INAAD MEELAHA KU SOO QOR QORTO – HADII KALE SIDIISA OO KALE WEBSITE KALE FUR ADIGANA SI LAGUULA SOCDO.

      U codee: Thumb up 1 Thumb down 0

  12. Saciid Cabdi says:

    A.C, dhamaanba akhristeyaasha somaliska.com, aad baan idiin salaamayaa. Salaan ka dib walaaleyaal dhamaanteen wadankeena waan jecelnahay allena waxaan oga baryeynaa in uu noo xasiliyo oo uu nabad noqdo taasi waa qodob, tan kale hadii aanaan runta isku sheegin dad kale ayaa noo sheegaya, oo runta mar walba waa la sheegi.

    marka aan sidaa leeyahay waxaan aad u akhriyaa hadal walba faalada ama komantiga laga baxsho waxaana u arkaa in badan oo kamid ah faalo bixiyeyaasha in ay ay labo mid yihiin, in aysan waaqici ahayn oo ay doonayaa waxa jira sida ay u jiraan in aan loo sheegin caadifad jirta owgeed. Ama hadalkaan ay faalada ka bixinayaan sida uu u dhahcay, halka uu ka dhacay iyo duruufta ku xeeran baysan fahansanayn.

    Tusaaleyaasha aan hayo aad bay u badanyihiin hadaanse soo qaato tan hada hadalkaan ku jirta oo Jimcaale lagu haysto oo ah “Shacabka ayaa saamaynta colaadu waxay keentay in ay ilaabaan qataraha yaryar sida in aysan ka leexan baabuurta iwm”’
    Jimcaale Hadalkaas aad baan ugu raacsanahay oo anigaa dhacdo noocaan oo kale ah u soo joogay.

    Hada ka hor aniga oo Mogdisho jooga baa gaari bas ah oo u socda Baarubax waxa uu ka yimid dhanka warshadaha.
    markii uu soo dhaafay biyo dagii dhanka Baarubax ka xigay masjidka Nasrudiin baa gaari ku yimid nin jidka dhex socda markaa baa gaarigii hoon u yeeriye, ninkii gadaal buu inta fiirshay baa wuxuu arkay in gaarigu aad ugu soo dhawaaday ninkii intuu xanaqay buu ma cararine gadaal gadaal gaarigii u haraatiye wuxuuna ka jabshay faraajooyinka hor mid ka mid ah. Taasi dacaayad igama ahan oo waa dhacdo aan u u soo taagnaa markaas baa dad lagu dhaleecaynayaa.

    Faalobixiye-yaasha masuuliyad baa saaran sida qoraagaba ay u saarantahay ee hala is xushmeeyo oo faalooyinkaad bixinaysan ha ahaadeen kuwa bulshada wax u kordhinaya ama si asluub leh wax u saxaya.
    Qofkii hadalkayga dhibsadowna adiga oo aan dambaabin fadlan iga raali noqo.

    U codee: Thumb up 4 Thumb down 0

  13. Mohamed Ali Abdi says:

    Hal Su’aal baan qabaa Qof haysta sharciga 5 sanno ah ma Geneva ma tagi karaa Soomaaliya, ama aan wali qaadan Baasboor weyn taas in aan odaaaan rabaa maamulka websiteka dowladda Sweden idinkaa nooga dhawee tan kale Soomaaliya ma nabadbaa yaa warkaas yiri aniga kula hadlaya ma tagi karo waayo bulshada caadiga ah aya cadow ii ah wariye Soomaali ah ma tago dalkii haddii uu tagana waa in naftiisa uu biimeeya marka aan dadkeenii Soo salaanee noo sheega ilaa hadda labo wariye oo Soomaali ah oo labaduba haystaan sharciga ayar ayaa laabtay Baasaboorkana waxaa ku qoran lama laaban karo ila kan weyn la qaato marka see camal hee ma la isku dheelaa jawaab wacan iigu soo dir ishawarka@gmail.com

    U codee: Thumb up 1 Thumb down 2